ႁွင်ႈၵၢၼ်ၾၢႆႇပွင်ႇၶၢဝ်ႇ ႁေႃၶမ်းလူင်မိူင်းၸိုင်ႈထႆး ပိုၼ်ၽၢဝ်ႇမၵ်းမၼ်ႈ ပၵ်းပိူင်မႂ်ႇၵဵဝ်ႇၵပ်းလွင်ႈပၢႆးပၺ်ႇၺႃႇမိူင်းထႆး ႁႂ်ႈလုၵ်ႈဢွၼ်ႇၼႂ်းမိူင်းထႆးလႆႈႁဵၼ်းလိၵ်ႈၵူႈၵေႃႉၽဵင်ႇပဵင်းၵၼ်။ ႁႂ်ႈၾၢႆႇပၢႆးပၺ်ႇၺႃႇလူင်ပွင်ၸိုင်ႈထႆး ႁပ်ႉလုၵ်ႈဢွၼ်ႇၼႂ်းမိူင်းထႆး ႁဵၼ်းလိၵ်ႈလၢႆးၵူႈၵေႃႉ ပဵၼ်လုၵ်ႈႁႅင်းၵၢၼ်ၵေႃႈလီ လုၵ်ႈလၢင်းၵူၼ်းၼွၵ်ႈမိူင်းၸိူဝ်းမႃးယူႇမိူင်းထႆးၵေႃႈယဝ်ႉ ႁႂ်ႈမီးသုၼ်ႇလႆႈႁဵၼ်းလိၵ်ႈလၢႆးမိူၼ်ၵၼ်တင်းမူတ်း ဝႃႈၼႆ။ လိၵ်ႈပိုၼ်ၽၢဝ်ႇၼႆႉဢွၵ်ႇမႃးမိူဝ်ႈ ဝၼ်းတီႈ 30/1/2026 ။ ၼႂ်းလိၵ်ႈၼၼ်ႉပႃးဝႆႉဝႃႈ - လုၵ်ႈလၢင်းႁႅင်းၵၢၼ်ယၢၼ်မိူင်း ၸိူဝ်းဢမ်ႇမီးဝတ်းဝႂ်ၵိူတ်ႇ ဢမ်ႇမီးဝတ်းဝႂ်သင်ၼၼ်ႉ ယူႇတီႈတၢင်းႁွင်ႈၵၢၼ်ၾၢႆႇပၢႆးပၺ်ႇၺႃႇ တေလႆႈဢွၵ်ႇပၼ်မၢႆတူဝ်လုၵ်ႈဢွၼ်ႇ 13 တူဝ် ဢၼ်မီးတူဝ်လိၵ်ႈ G...