မိူဝ်ႈႁူဝ်လိူၼ်တီႊသႅမ်ႊပိူဝ်ႊၼႆႉ သိုၵ်းမၢၼ်ႈ တင်း ၸုမ်းသိုၵ်းလုၵ်ႉၽိုၼ်ႉ ယိုဝ်းၵၼ် ၼႂ်းၸႄႈဝဵင်းမိူင်းၵုတ်ႈ၊ ၸႄႈဝဵင်းမိူင်းမိတ်ႈသေ သိုၵ်းမၢၼ်ႈၸႂ်ႉႁိူဝ်းမိၼ်တိုၵ်း ပွႆႇမၢၵ်ႇသႂ်ႇ ၵူၼ်းမိူင်းၼႂ်းပိုၼ်ႉတီႈ မၢတ်ႇၸဵပ်းလူႉတၢႆ ၼပ်ႉႁူဝ်သိပ်းၵေႃႉ ။ တႄႇဝၼ်းတီႈ 6 တေႃႇထိုင် ဝၼ်းတီႈ 9 ယၢမ်းၵၢင်ၶမ်ႈ 8 မူင်းၶိုင်ႈ သဵင်ၵွင်ႈယင်းတိုၵ်ႉတႅၵ်ႇပၼ်း လင်ယွၼ်ႈထိုင် ၸွမ်းၼႂ်းပွၵ်ႉဝၼ်းဢွၵ်ႇ ၸႄႈဝဵင်းမိူင်းၵုတ်ႈ...

သိုၵ်းၵႅတ်ႇၶႄၵူၼ်းမိူင်း ၼႂ်းၸိုင်ႈတႆးပွတ်းၸၢၼ်း 7 ၸုမ်း ႁူမ်ႈၵၼ်သေ ၶွတ်ႇၽွတ်ႈၸုမ်းၵူၼ်းၼုမ်ႇ လုၵ်ႉၽိုၼ်ႉ (ၸိုင်ႈတႆးပွတ်းၸၢၼ်း) SSRY ။ ပဵၼ်ၸုမ်းသိုၵ်းၵူၼ်းၼုမ်ႇ 7 ၸုမ်း ဢၼ်ၶဝ်ႈပၢင်တိုၵ်းယူႇၼႂ်းၸိုင်ႈတႆးပွတ်းၸၢၼ်းလႄႈ မိူင်းယၢင်းလႅင်၊ ၼႂ်းၶေႃႈပိုၼ်ၽၢဝ်ႇၼၼ်ႉ ယင်းတႅမ်ႈပႃးဝႆႉဝႃႈ ၽႂ်ၸုမ်းလႂ် ၶႂ်ႈၶဝ်ႈပၢင်တိုၵ်းတေႃးသိုၵ်းမၢၼ်ႈ တွၼ်ႈတႃႇၵုင်ႇသိၵ်ႈၶႃႇ မိူင်းတႆးၼၼ်ႉ ယိၼ်းလီႁပ်ႉတွၼ်ႈ - ဝႃႈၼႆဝႆႉ။ တပ်ႉၵွင်ဢၼ်ႁူမ်ႈၶွတ်ႇၽွတ်ႈမႂ်ႇၼႆႉ လႆႈၶဝ်ႈပၢင်သွၼ်ၵၢၼ်သိုၵ်း...