သင်ၶၸဝ်ႈ၊ ၵူၼ်းမိူင်းတုၵ်းယွၼ်း ၽွမ်ႉၵၼ်ၽုၵ်ႇတူၼ်ႈမႆႉမိူဝ်ႈမိူဝ်ႈၵၼ်

သင်ၶၸဝ်ႈလႄႈ ၵူၼ်းၼုမ်ႇတႆးၼႂ်းၸႄႈဝဵင်းတူၼ်ႈတီး တိုၵ်းသူၼ်းၵူၼ်းမိူင်းတႆးပတ်းပိုၼ်ႉ ၽုၵ်ႇတူၼ်ႈမႆႉ တီႈၽႂ်တီႈမၼ်းၼႂ်းဝၼ်းလဵဝ်ၵၼ်ဝႃႈၼႆ။ ၵူၼ်းၼုမ်ႇလႄႈ သင်ၶၸဝ်ႈၸႄႈတွၼ်ႈတူၼ်ႈတီး ႁၼ်ထိုင်မိူဝ်းၼႃႈလုၵ်ႈလၢၼ်ႁႂ်ႈလႆႈယူႇသႃႇၼႆသေ တႅမ်ႈလိၵ်ႈယွၼ်းတၢင်းႁူမ်ႈမိုဝ်းၵူႈၾၢႆႇ သူင်ႇထိုင်ၵူႈၸႄႈဝဵင်း ၵူႈမူႇၸုမ်းၼႂ်းမိူင်းတႆး တိုၵ်းသူၼ်းႁႂ်ႈၽုၵ်ႇတူၼ်ႈမႆႉ ၼႂ်းပိုၼ်ႉတီႈၽႂ်မၼ်းၵူႈၵေႃႉ ဝႃႈၼႆ။ ၼႂ်းလိၵ်ႈၼၼ်ႉပႃးဝႆႉဝႃႈ ဝၼ်းတီႈ 07/07/2018 ၼႆႉ ႁႂ်ႈၵူၼ်းၼႂ်းၽႅၼ်ႇလိၼ်မိူင်းတႆးၵူႈၵေႃႉ ဢွၼ်ၵၼ်ၽုၵ်ႇတူၼ်ႈမႆႉ တီႈဢေႇမၼ်းၼိုင်ႈၵေႃႉၼိုင်ႈတူၼ်ႈ။ တူၼ်ႈမႆႉသင်ၵေႃႈလႆႈ ဢၼ်ၸၢင်ႈပၼ်ႁူမ်ႈလႄႈ ၽွၼ်းလီမိူဝ်း ၼႃႈ ႁႂ်ႈလုၵ်ႈလၢၼ်...