“ဝၼ်းၶူး” ပဵၼ်ဝၼ်းယူၵ်ႉယွင်ႈၶူးလႄႈပဵၼ်ဝၼ်းတွပ်ႇတႅၼ်းမုၼ်ၵုၼ်းၶူး တႆးဢမ်ႇမီးဝၼ်းၶူးၶေႃၶေႃ ၵွႆးၵေႃႈ မီးဝၼ်းယူၵ်ႉယွင်ႈၸဝ်ႈၶူးမေႃလိၵ်ႈတႆး။ ၾၢႆႇၼိုင်ႈ ၵူႈပွၵ်ႈၼႂ်းမိူင်းတႆး ဢမ်ႇမီးႁူင်းႁဵၼ်း  ယွၼ်ႉပိူဝ်ႈဝႃႈ ၸဝ်ႈၾႃႉၶဝ် ဢမ်ႇသၢင်ႈႁူင်းႁဵၼ်းပၼ်တႃႇၵူၼ်းမိူင်း ၵူၼ်းမိူင်းဢမ်ႇလႆႈႁဵၼ်းလိၵ်ႈလၢႆးပၢႆၵမ် ဢမ်ႇလႆႈႁႃတၢင်း ႁူႉသႂ်ႇတူဝ်လႄႈတေႁဵတ်းႁိုဝ်မီးၵူၼ်းႁုၼ်ႈသႅၼ်းမႂ်ႇ (ၼေႃႇတႅၼ်းၶိူဝ်း) ၶိုၼ်ႈမႃးပူၵ်းပွင်ဝၢၼ်ႈမိူင်းသိုပ်ႇတေႃႇ ၸူဝ်ႈလုၵ်ႈပၢၼ်လၢၼ်ၵႂႃႇလႄႈ တေဢမ်ႇႁႂ်ႈဝၢၼ်ႈမိူင်းႁဝ်းတူၵ်းၵႂႃႇၼႂ်းမိုဝ်းပိူၼ်ႈတၢင်ႇၸၢတ်ႈတၢင်ႇၶိူဝ်း။ ယွၼ်ႉၼၼ် ပၢၼ်ၼၼ်ႉၸိူဝ်းပဵၼ်ၸၢႆး တေႃႉတႄႉမီးတိုဝ်ႉတၢင်းလႆႈၶဝ်ႈႁဵၼ်းလိၵ်ႈထမ်းၼႂ်းဝတ်ႉဝႃးၽႃသိူဝ်ႇ ၽွင်းပဵၼ်ၵပ်ႉပိယ ႁိုဝ် ၿူၶျ်ႇပဵၼ်ၼဵရ်း(သႃမၼေရ) ၼၼ်ႉၵွႆး။ ...