မိူဝ်ႈဝႃး ဝၼ်းတီႈ 27 လိူၼ်ၼူဝ်ႊဝႅမ်ႊပိူဝ်ႊ သိုၵ်းမၢၼ်ႈယိုတ်းမိူင်း ပိုၼ်ၽၢဝ်ႇဢွၵ်ႇပဵၼ်တၢင်းၵၢၼ်ဝႃႈ တေတႄႇပၼ်ႇၸၢၵ်ႈ ႁူင်းၸၢၵ်ႈၾႆးၾႃႉထၢၼ်ႇႁိၼ် တီႈဝၢၼ်ႈသီႇၵိပ်ႇ ၸႄႈဝဵင်းပၢင်လွင်း ၸႄႈတွၼ်ႈတူၼ်ႈတီး ၸိုင်ႈတႆးပွတ်းၸၢၼ်းၼၼ်ႉၶိုၼ်း ၼႆယဝ်ႉ။ ဝၢႆးလင် ပီ 2021 သိုၵ်းမၢၼ်ႈယိုတ်းမိူင်းယဝ်ႉၼႆႉ သိုၵ်းမၢၼ်ႈသိုပ်ႇမူၼ်ႉမႄး ႁူင်းၸၢၵ်ႈၾႆးၾႃႉထၢၼ်ႇႁိၼ် တီႈဝၢၼ်ႈသီႇၵိပ်ႇ ႁႂ်ႈၶိုၼ်ႈၸၼ်ႉမႃးလိူဝ်ၵဝ်ႇထႅင်ႈၼႆသေ ယၢမ်းလဵဝ် မူၼ်ႉမႄးယုၵ်ႉမုၼ်း ၶိူင်ႈၸႂ်ႉတိုဝ်းၼႂ်း ႁူင်းၸၢၵ်ႈယဝ်ႉတူဝ်ႈလီငၢမ်းတင်းသဵင်ႈ...