တႄႇဢဝ် လိူၼ်ဢေႊပရိူဝ်ႊၼႆႉမႃး သိုၵ်းၵဝ်ႈၵၢင်ႉ MNDAA တဵၵ်းၸႂ်ႉၸဝ်ႈႁၢၼ်ႉတၢင်းၶၢႆ ၼႂ်းၵၢတ်ႇသႅၼ်ဝီ ၶၢႆႉၵႂႃႇၶၢႆတီႈၵၢတ်ႇမႂ်ႇ ဢၼ်မီးတီႈဝၢၼ်ႈပၢင်ႇလေႃႉ ၸႄႈဝဵင်းသႅၼ်ဝီ ၸိုင်ႈတႆးပွတ်းႁွင်ႇၼၼ်ႉ ႁဵတ်းႁႂ်ႈၵူၼ်းမႃးသိုဝ်ႉၸၢႆႇၵၢတ်ႇဢမ်ႇၵိုၼ်းၶွၼ်ႈ ၶူဝ်းၵုၼ်ႇဢမ်ႇၶၢႆလီ ဢမ်ႇမီးငိုၼ်းၶဝ်ႈလႄႈ တုမ်ႉတိူဝ်ႉၸဝ်ႈႁၢၼ်ႉၶဝ်ထူပ်းတၢင်းယၢပ်ႇၽိုတ်ႇ။ ၸဝ်ႈႁၢၼ်ႉတၢင်းၶၢႆ ၼႂ်းၵၢတ်ႇသႅၼ်ဝီ လၢတ်ႈတီႈၽူႈတွႆႇႁွၵ်ႈဝႃႈ - “ႁဝ်းၶဝ်ၼႆႉ ပဵၼ်ၵူၼ်းၶၢႆၵၢတ်ႇလွၼ်ႉလွၼ်ႉ ပေႃးဢမ်ႇၶၢႆႉၵႂႃႇၶၢႆ ၸွမ်းၵၢတ်ႇမႂ်ႇၵေႃႈ ဢမ်ႇၸၢင်ႈႁဵတ်းႁိုဝ် ၵႃႈလႆႈ ၶၢႆႉၵႂႃႇၸွမ်းယဝ်ႉ။...