ပျီႇတူႉၸိတ့်ပဢူဝ်း ဢၼ်တူင်ႉၼိုင်ၼႂ်းၸႄႈဝဵင်းတူၼ်ႈတီး ၼၼ်ႉ တတ်းလွၵ်းလိၼ်ၵူၼ်းဝၢၼ်ႈၼႂ်းထုင်ႉတၢင်းၸၢၼ်းဝဵင်းသေ ပိုၼ်ၽၢဝ်ႇၶၢႆ ၵူၼ်းမိူင်းဢမ်ႇပေႃးၸႂ်။ ပျီႇတူႉၸိတ်ႉၸိူဝ်းၼႆႉလၢတ်ႈတီႈၵူၼ်းဝၢၼ်ႈပေႃးမူ (ဝၢၼ်ႈပဢူဝ်း) ဝႃႈ တေသိူဝ်ႇတၢင်းပၼ်၊ တေတေႃႇသၢႆၾႆးၾႃႉၶဝ်ႈဝၢၼ်ႈပၼ်ၼႆသေ ယိုတ်းဝႆႉတီႈလိၼ်ၵူၼ်းမိူင်းၸဵမ်မိူဝ်ႈပီၵၢႆ။ ယၢမ်းလဵဝ် ၼႂ်းပီၼႆႉ မီးၵူၼ်းမႃးထၢမ်သိုဝ်ႉၶိူဝ်းယႂ်းလႄႈ လွၵ်းလိၼ်ဢၼ်ယိုတ်းဝႆႉတီႈၵူၼ်းမိူင်းၼၼ်ႉ ပျီႇတူႉၸိတ်း တတ်းလွၵ်းသေၶိုၼ်းၶၢႆယူႇ - ၵူၼ်းပိုၼ်ႉတီႈလၢတ်ႈတီႈၽူႈတွႆႇႁွၵ်ႈၼင်ႇၼႆ။ “ပဵၼ်ပျီႇတူႉၸိတ်ႉ  PNO ဢၼ်တူင်ႉၼိုင်ယူႇၼႂ်းပိုၼ်ႉတီႈၼႆႉၶႃႈဢေႃႈ။    ၶဝ်လၢတ်ႈၵူၼ်းဝၢၼ်ႈဝႃႈ -ပေႃးၶႂ်ႈလႆႈသၢႆၾႆးၶဝ်ႈဝၢၼ်ႈ တေလႆႈပၼ်ငိုၼ်းၼိုင်ႈႁိူၼ်း...