တီႈၼႂ်းၸႄႈဝဵင်းယႂႃႇငၢၼ်ႇ ၸိုင်ႈတႆးပွတ်းၸၢၼ်းၼႆႉ ယၢမ်းလဵဝ် ဢမ်ႇမီးၵူၼ်းဝၢၼ်ႈ ၶႂ်ႈႁပ်ႉႁဵတ်းၵၢင်ႉၵႄႇၽူႈယႂ်ႇၵူၼ်းလူင်ဝၢၼ်ႈ ၊ ဢမ်ႇႁတ်းဢွၼ်ၼမ်းႁဵတ်းလွင်ႈတူင်ႉၼိုင် ၼႂ်းဝၢၼ်ႈၼႂ်းသူၼ်သင်သေလွင်ႈ ၊ ယွၼ်ႉၵၢင်ႉၵႄႇ ၼႂ်းၸႄႈဝဵင်းယႂႃႇငၢၼ်ႇ ၵႆႉထုၵ်ႇ ၶႃႈႁႅမ်ၼႆယဝ်ႉ ။ ၼႂ်းႁၢင်လိူၼ် ၵျႅၼ်ႊၼိဝ်ႊရီႊၼႆႉ မႃးသိုၵ်းမၢၼ်ႈထူဝ်းသိုၵ်းၶဝ်ႈ ႁွင်ႉႁဵတ်းပၢင်ၵုမ်ၵူၼ်းဝၢၼ်ႈ တီႈဝၢၼ်ႈၵုင်းသိမ် ၸႄႈဝဵင်းယႂႃႇငၢၼ်ႇသေ တဵင်ၵႂၢမ်းၼၵ်းဝႆႉလွင်ႈဝႃႈ ႁၢမ်ႈတိတ်းတေႃႇ ၵမ်ႉထႅမ် ၸုမ်းလုၵ်ႉၽိုၼ်ႉ၊ တေလႆႈၸွႆႈထႅမ်ၸုမ်း...