ၵူၼ်းမိူင်းၶႄႇ ဢၼ်ၵႂႃႇၶိုၼ်ႈလွႆသုင်လူင် ဢႄႊဝရႅတ်ႊ ႁူဝ်ၵူၼ်း 350 ပၢႆ ၺႃးၽေးလူမ်းလႅင်ႉသေ ၶမ်ဝႆႉၼိူဝ်လွႆလႄႈ ၸဝ်ႈၼႃႈတီႈၼႂ်းပိုၼ်ႉတီႈ လႆႈသူင်ႇၵူၼ်းၵႂႃႇၸွႆႈထႅမ်ဝႆႉၼႆ သိုဝ်ႇၶၢဝ်ႇၼႂ်းမိူင်းၶႄႇ ပိုၼ်ၽၢဝ်ႇဝႆႉၼင်ႇၼႆ။ ဝၼ်းတီႈ 1 ထိုင် 8 ဢွၵ်ႊထူဝ်ႊပိူဝ်ႊၼႆႉ ပဵၼ်ၽွင်းယၢမ်း ဝၼ်းလိုဝ်ႈတွၼ်ႈတႃႇၵူၼ်းမိူင်းၶႄႇ။ ပဵၼ်ဝၼ်းၸိူဝ်ႉၸၢတ်ႈမိူင်းၶႄႇလႄႈ ၵူၼ်းႁဵတ်းၵၢၼ်လူင်ပွင်ၸိုင်ႈလႆႈဝၼ်းလိုဝ်ႈ 8 ဝၼ်းသွၼ်ႉၵၼ်။ ၽွင်းၼႆႉ ၵူၼ်းမိူင်းၵမ်ႈၼမ် ဢွၵ်ႇလႄႇတွင်ႈတဵဝ်းၵၼ်၊...