ဝၢၼ်ႈမိူင်းၵေႃႈလူႉ ၾိင်ႈၾႃႉရႃႇသီႇၵေႃႈပိူင်ႈလၢၵ်ႇမႃးႁႅင်းလႄႈ ၸိူဝ်းလႆႈပိုင်ႈၵၢၼ်ၽုၵ်ႈသွမ်ႈသေ လဵင်ႉလူၼႃႈႁိူၼ်းယူႇၵူႈပီပီၼၼ်ႉ ပီ 2025 ၼႆႉ ၵိၼ်းၸႂ်တႄႉတႄႉ ။ မိူၼ်ၼင်ႇ ၸဝ်ႈၼႃးမိူင်းၼၢႆးၵေႃႈ ပီၼႆႉ ၵိၼ်းၸႂ်လၢႆလွင်ႈ ယွၼ်ႉၾူၼ်ၼမ် ၼမ်ႉၵႆႉထူမ်ႈၵေႃႈပိူင်ၼိုင်ႈ ၊ သိုၵ်းမၢၼ်ႈ ဢွၵ်ႇပိူင်ႁႄႉႁၢမ်ႈလၢႆလွင်ႈၵေႃႈပိူင်ႈၼိုင်ႈလႄႈ တႃႇမီးငိုၼ်းပၼ်ႇၵၢၼ်ၼႂ်းၼႃႈႁေႃတေႃႈႁိူၼ်းဢမ်ႇငၢႆႈ ။ မိူဝ်ႈလဵဝ်ၵေႃႈ သိုၵ်းမၢၼ်ႈ ႁၢမ်ႈတေႃႉသူင်ႇၶဝ်ႈဢွၵ်ႇၶၢႆတၢင်ႇတီႈလႄႈ တႃႇတေမီးငိုၼ်း...