ၵူၼ်းမိူင်းတႆးၼႆႉ လႆႈၶၢမ်ႇတၢမ်ႇ ယွၼ်ႉဝၢၼ်ႈမိူင်းသုၵ်ႉယုင်ႈမႃး ၼပ်ႉႁူဝ်သိပ်းပီယဝ်ႉ။ ယူႇလႂ်ၵေႃႈ ဢမ်ႇလွတ်ႈၽေးၸုမ်းယိပ်းၵွင်ႈၵၢင်ႇသေတီႈ။ မိူၼ်ၼင်ႇ တၢင်းမိူင်းယွင်း ၸိုင်ႈတႆးပွတ်းဢွၵ်ႇၼႆႉၵေႃႈ ဢမ်ႇသူႈမီးပၢင်တိုၵ်းသိုၵ်းသိူဝ်သေတႃႉ သမ်ႉမီးၸုမ်းယိပ်းၵွင်ႈၵၢင်ႇလၢႆၸုမ်း ယူႇဝႆႉလႄႈ လႆႈၵူဝ်လႆႈမႆႈၸႂ်ယူႇလၢႆလွင်ႈ။ ၼႂ်းႁၢင်လိူၼ်ဢေႃႊၵတ်ႊသ် ပူၼ်ႉမႃးၼႆႉ ႁူဝ်ပဝ်ႈ တပ်ႉပႂ်ႉလႅၼ်လိၼ်သိုၵ်းမၢၼ်ႈ (နယ်ခြားစောင့် တပ်) ဢၼ်မီးတၢင်းမိူင်းယုၼၼ်ႉ ၺႃးငွႆးယိုဝ်း။ ဢမ်ႇတိူဝ်ႉၺႃးမၼ်းၸၢႆးသေတႃႉ ၵူၺ်းၵႃႈ တိူဝ်ႉၺႃး ၵူၼ်းႁေႃႈၵႃးမၼ်းလူႉတၢႆထင်တီႈ။...