လွင်ႈတီႈလိၼ်ၺႃးယိုတ်းပွတ်းၵျွၵ်ႉမႄးၼၼ်ႉ ၸဝ်ႈၼႃးတင်း တပ်ႉသိုၵ်းလူင်ပွင်ၸိုင်ႈမၢၼ်ႈ တိုၵ်ႉလႆႈထဵင်မေႃးၵၼ်ပႆႇ ယဝ်ႉ

ၸဝ်ႈႁႆႈၸဝ်ႈၼႃး ၸိူဝ်းၵႂႃႇႁဵတ်းၵၢၼ်ႁႆႈၶိုၼ်းၺႃးသိုၵ်းလူင်ပွင်ၸိုင်ႈမၢၼ်ႈ ၵျွၵ်ႉမႄးၸွႆးတြႃးဢဝ်လိူင်ႈထႅင်ႈ 13 ၵေႃႉ ဝႃႈၼႆ။ ပူၼ်ႉမႃး 2017 ၸဝ်ႈၼႃး 12 ၵေႃႉ ဢၼ်ၵႂႃႇႁဵတ်းၼႃးၶိုၼ်းတီႈလိၼ်ဢၼ်သိုၵ်းလူင်ပွင်ၸိုင်ႈၶမရ 501 ယိုတ်းဝႆႉၼၼ်ႉ ၺႃးၸွႆးတြႃးၶိုၼ်ႈလုမ်းယင်းပႆႇယဝ်ႉတူဝ်ႈ။ ၼႂ်းပီၼႆႉ ၶိုၼ်းဢဝ်လိူင်ႈၸဝ်ႈႁႆႈၸဝ်ႈၼႃးထႅင်ႈ 13 ၵေႃႉ တေႃႇဢေးၼေႃႇ ၵူၼ်းဝၢၼ်ႈၵျွၵ်ႉမႄးလူင် လၢတ်ႈတီႈၽူႈတွႆႇႁွၵ်ႈၼင်ႇၼႆ။ “ ၸဝ်ႈၼႃးႁဝ်းၶႃႈၼႆႉ ၺႃးသိုၵ်းမၢၼ်ႈၶဝ် ၸွႆးတြႃးလိူင်ႈၼိုင်ႈယဝ်ႉလိူင်ႈၼိုင်ႈ။...