လူင်ပွင်ၸိုင်ႈဝႃႈ ပႆႇၸၢင်ႈမၵ်းမၼ်ႈမိူင်းၼၢႆး ပဵၼ်မိူင်း ဢၼ်မီးၶူဝ်းၶွင်ၵဝ်ႇၵႄႇ ၵိုၵ်းပိုၼ်း

ၽူႈတႅၼ်းပႃႇတီႇႁူဝ်သိူဝ် မိူင်းၼၢႆး တွင်ႈထၢမ် ဢုပ်ႇလၢတ်ႈၼႂ်းပၢင်ၵုမ်သၽႃး တႃႇႁႂ်ႈလူင်ပွင်ၸိုင်ႈ မၵ်းမၼ်ႈပၼ်ဝဵင်း မိူင်းၼၢႆး ၶဝ်ႈပႃးၼႂ်းမိူင်းၵိုၵ်းပိုၼ်း ဢၼ်မီးၶူဝ်းၶွင်ၵဝ်ႇၵႄႇ။ ဝၼ်းတီႈ 17/12/2018 လူင်ပွင်ၸိုင်ႈ တွပ်ႇလၢတ်ႈၼႂ်းပၢင်ၵုမ်သၽႃးၸႄႈမိူင်းတႆး ပွၵ်ႈၵမ်း 2 ၵမ်းထူၼ်ႈ 12 တီႈလုမ်း သၽႃးၸႄႈမိူင်းတႆး ၸႄႈဝဵင်းတူၼ်ႈတီး ၸိုင်ႈတႆးပွတ်းၸၢၼ်းဝႃႈ တွၼ်ႈတႃႇတေထိင်းသိမ်း ၶူဝ်းၶွင်ၵဝ်ႇၵႄႇၼႆႉ ဢမ်ႇမီးပၵ်းပိူင်မၼ်း။ လူဝ်ႇလႆႈႁဵတ်းပၵ်းပိူင်မႂ်ႇၵူၺ်း...