လူင်ပွင်ၸိုင်ႈမၢၼ်ႈ သင်ႇပိၵ်ႉလၢၼ်ႇဝူင်ႈၵၢင်ယၢင်းလႅင်တင်း မႄႈႁွင်ႈသွၼ်

လူင်ပွင်ၸိုင်ႈမိူင်းႁူမ်ႈတုမ်မၢၼ်ႈ ပိုၼ်ၽၢဝ်ႇပိၵ်ႉလၢၼ်ႇၵၢၼ်ၵႃႉၶၢႆလႅၼ်လိၼ်ၵူၼ်းၵႃႉလႄႈ ၵူၼ်းယူႇသဝ်းထုင်ႉၼၼ်ႉထူပ်းတၢင်းယၢပ်ႇ။ ဝၼ်းတီႈ 09/11/2018 သိုဝ်ႇၶၢဝ်ႇၵဵင်းမႆႇပိုၼ်ၽၢဝ်ႇဝႃႈ - “ လူင်ပွင်ၸိုင်ႈမိူင်းႁူမ်ႈတုမ်မၢၼ်ႈပိုၼ်ၽၢဝ်ႇ သင်ႇႁႄႉႁၢမ်ႈ ၵုၼ်ႇသိၼ်ၵႃႉ ဢၼ်လုၵ်ႈတၢင်းမိူင်းထႆး ၶဝ်ႈၼႂ်းမိူင်းႁူမ်ႈတုမ်ဝၢႆးလင်သေ ၵူတ်ႇထတ်းၺႃးသၢၼ်ဢၼ်လေႃးတႃႇႁဵတ်းဢွၵ်ႇယႃႈမဝ်းၵမ် တီႈဝဵင်းလူင်တူၼ်ႈတီး ၸိုင်ႈတႆးပွတ်းၸၢၼ်း ဝႃႈပဵၼ်ဢၼ်ဢဝ်လုၵ်ႉမိူင်းထႆး တၢင်းလၢၼ်ႇမႄႈႁွင်ႈသွၼ် (ထႆး) - မႄႈၸႄႉ ဝႃႈၼႆ။ တၢင်းၾၢႆႇလူင်ပွင်ၸိုင်ႈမၢၼ်ႈပိုၼ်ၽၢဝ်ႇဝႃႈ တင်ႈဢဝ်ဝၼ်းတီႈ 06/11/2018 ၼႆႉၵႂႃႇလႆႈပိၵ်ႉလၢၼ်ႇၵၢၼ်ၵႃႉၶၢႆ...