ဝၼ်းလိုဝ်ႈၵၢၼ်ဢၼ်ဝႃႈၼႆႉ ပဵၼ်ဝၼ်းဢၼ်ႁဝ်း ဢဝ်ၸႂ်ႉတိုဝ်းတႃႇတေၽိူမ်ႉထႅမ်ၶိုၼ်း ႁႅင်းတူဝ် ႁႅင်းၸႂ် ဢၼ်လႆႈႁဵတ်းၵၢၼ်ႁိူဝ်ႉမွႆႈမႃးတၢင်းဝူင်ႈ ၼၼ်ႉယဝ်ႉ။ ၼႂ်းဝၼ်းလိုဝ်ႈၵၢၼ်ၼၼ်ႉ တေလႆႈႁဵတ်းသင်ၼႆ ဢမ်မီးလွင်ႈမၵ်းတတ်းဝႆႉ ပိူင်တၢႆသေတႃႉ သင်မေႃ ဢဝ်ၸႂ်ႉတိုဝ်းႁႂ်ႈမီးၽွၼ်းလီၵႂႃႇၸိုင်  တေၸၢင်ႈၵေႃႇတင်ႈလႆႈၸၢတ်ႈပၢၼ်ဢၼ်လီလီၼၼ်ႉယူႇ။ ၼွၼ်းႁႂ်ႈဢိမ်ႇ ၼႂ်းဝၼ်းႁဵတ်းၵၢၼ်ၼၼ်ႉ ယွၼ်ႉတိုၵ်ႉလူဝ်ႇႁဵတ်းၵၢၼ်ၼႆသေ မၢင်ၸိူဝ်းတေၼွၼ်းလိုၵ်း လႄႈ ႁဵတ်းႁႂ်ႈတႃၼွၼ်းဢမ်ႇဢိမ်ႇ။ ၵွပ်ႈၼၼ်လႄႈ ၼႂ်းဝၼ်းလိုဝ်ႈၼၼ်ႉ ၼင်ႇႁိုဝ်ဢဵၼ်ႁႅင်း (energy) တေၶိုၼ်းတဵမ်တူဝ်မႃးၼၼ်ႉ ထုၵ်ႇလီၼွၼ်းပၼ် ႁႂ်ႈတႃၼွၼ်းဢိမ်ႇယူႇ။ တူမ်ႈႁုင်ၵိၼ်...