ယႃႈမဝ်းၵမ်လိူင်ႇၼမ် သိုဝ်ႉငၢႆႈႁႃလႆႈၵူႈတီႈ ၼႂ်းဝဵင်းၵဵင်းတုင်

ယႃႈမဝ်းၵမ်လိူင်ႇၼမ် ၼႂ်းၸေႈဝဵင်းၵဵင်းတုင် ၵူၼ်းမိူင်းၶၢင်းပွင်ႉ မႆႈၸႂ်လုၵ်ႈလၢၼ်တိတ်းယႃႈ။ လုင်းၸၢႆးၵူၼ်းၵဵင်းတုင်လၢတ်ႈဝႃႈ လုၵ်ႈလၢၼ်လဵၼ်ႈယႃႈမႃႉ ယႃႈမဝ်းၵမ် ပၼ်တၢင်းသုၵ်ႉၸႂ်ၵူၼ်းႁိူၼ်းဝႃႈၼႆ။ “ယၢမ်းၼႆႉ ႁႃသိုဝ်ႉယွႆႈၵေႃႈငၢႆႈ ၵႃႈၶၼ်ၵေႃႈပေႃး။ မၢင်တီႈ မဵတ်ႉ ႁႃႈပၢၵ်ႇ ၼိုင်ႈႁဵင်ပျႃးၵေႃႈမီး။ ပေႃႈၵႃႉလူင်ၵေႃႈတေႃႉသူင်ႇၵႃႉၶၢႆယူႇၵူႈဝၼ်း။ လုၵ်ႈလၢၼ်သႅၼ်းမႂ်ႇၵမ်ႈၼမ် မဝ်းယႃႈ ၽိတ်းမေႃးၵူၼ်းႁိူၼ်း ပၼ်တၢင်းတုၵ်ႉၸႂ်ၵူၼ်းထဝ်ႈၵူၼ်းၵႄႇ။ ၵမ်ႈၽွင်ႈၵမ်ႈၼမ် သိုၵ်းၼိူဝ်လွႆမႃးၵဵပ်းၵႂႃႇပူၵ်းပွင်ပၼ်ၶိုၼ်း။ပႃးတင်းလုၵ်ႈလၢၼ်ႁဝ်းၵေႃႉၼိုင်ႈ ” - လုင်းၸၢႆး လၢတ်ႈတီႈၽူႈတွႆႇႁွၵ်ႈၼင်ႇၼႆ။ ၵူၼ်းၵႃႉ၊...