ၵူၼ်းႁဝ်းၵမ်ႈၼမ် လိူဝ်သေၵိၼ်ၶဝ်ႈၵိၼ်ၽၵ်းယဝ်ႉ မၢၵ်ႇမႆႉမၢၵ်ႇတွၵ်ႇမွၵ်ႇမၢၵ်ႇ ၸိူဝ်းၼႆႉၵေႃႈ ဢဝ်ပဵၼ်တၢင်းၵိၼ်မိူၼ်ၵၼ်။ ၼႂ်းၵႃႈဢၼ်ၵိၼ်ယူႇၵူႈဝၼ်းၼၼ်ႉ သင်မေႃလိူၵ်ႈ ၵိၼ်ၵေႃႈ သမ်ႉမီးၽွၼ်းလီလႄႈ ၶဝ်ႈပဵၼ်ယႃႈယႃၼင်ႇၵဝ်ႇ။ မိူၼ်ၼင်ႇ မၢၵ်ႇပိၼ်း ဢၼ်ၵႆႉဢွၵ်ႇၸွမ်းႁႆႈၸွမ်းသူၼ် ၼႂ်းမိူင်းတႆးၼၼ်ႉၵေႃႈ ယင်းၶဝ်ႈပဵၼ်ယႃႈယႃ လီတႄႉတႄႉ ၼႆလူးၵွၼ်ႇ။ ၵူၼ်းႁဝ်းၼႆႉ ယူႇၸွမ်းၼိူဝ်ႉၸွမ်းလိူတ်ႈလႄႈ တၢင်းပဵၼ်ၵူႈသမ်ႇသႅၼ်ပိူင် ၸၢင်ႈထိုင်တူဝ်လႆႈၵူႈၶၢဝ်း၊ ၼင်ႇၵႂၢမ်းထုင်းမီးဝႆႉဝႃႈ ပႆဢမ်ႇထုၵ်ႇၵေႃႈ ၼိုင်ႈယၢင်ႈ ၵိၼ်ဢမ်ႇထုၵ်ႇၵေႃႈ ၼိုင်ႈၵမ်းၵူၺ်း...