ၵူၼ်းဝၢၼ်ႈ ဢၼ်ယူႇၼႂ်းဝဵင်းလွႆၶေႃ  ပၢႆႈၽေးသိုၵ်းမႃးသွၼ်ႈယူႇသဝ်းၼႂ်းၸိုင်ႈတႆးပွတ်းၸၢၼ်းၼၼ်ႉ ၺႃးယႃႉႁိူၼ်းယေး ဢဝ်ၶူဝ်းၶွင်ဢၼ်မီးၵႃႈၶၼ်ၵႂႃႇပႃးၸွမ်း။  ပဵၼ်ႁိူၼ်းၵူၼ်းဝၢၼ်ႈ မူင်ႇပျႃႇ ဢၼ်မီးၾၢႆႇတူၵ်းဝၢၼ်ႈ တေႃးဢူးၶူႇ ၼႂ်းဝဵင်းလွႆၶေႃ ၊ ႁၢင်ႇယၢၼ်ဝဵင်းမွၵ်ႈ 3 လၵ်း။ ဢိင်ၼိူဝ်သိုၵ်းမၢၼ်ႈလႄႈသိုၵ်းၵႅတ်ႇၶႄၵူၼ်းမိူင်း PDF ပိုတ်းယိုဝ်းၵၼ်မိူဝ်ႈႁူဝ်လိူၼ် ၵျၼ်ႊၼိဝ်ႊရီႊ ပူၼ်ႉမႃးသေ ၵူၼ်းဝၢၼ်ႈမူင်ႇပျႃႇ ဢွၼ်ၵၼ်ပၢႆႈၶဝ်ႈဝဵင်း ၊ ပၢႆႈၵႂႃႇယူႇတၢင်းမိူင်းတႆးပွတ်းၸၢၼ်း။ ႁိုင်မႃးၶၢဝ်းတၢင်း 4...