ၼႂ်းဝၼ်းတီႈ 9/10/2025 (ဝၼ်းၽတ်းၼႆႉ) မူဝ်ႊႁႃႊမတ်ႉ ႁႃႊသၼ်ႊ ၽွင်းလူင်ၾၢႆႇၼွၵ်ႈမိူင်း မိူင်းမလေးသျႃႊ ဢွၵ်ႇၶၢဝ်းတၢင်းမႃးတီႈ ၼေႇပျီႇတေႃႇသေ တေႁူပ်ႉဢုပ်ႇၵၼ်တင်း ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ ၼႆ- ႁွင်ႈၵၢၼ်ၽွင်းလူင်ၾၢႆႇၼွၵ်ႈမိူင်း မိူင်းမလေႊသျႃႊ ပိုၼ်ၽၢဝ်ႇဝႆႉၼင်ႇၼႆ။ ၼႂ်းပီ 2025 ၼႆႉ မိူင်းမလေးသျႃႊႁပ်ႉပုၼ်ႈၽွၼ်းပဵၼ် ႁူဝ်ပဝ်ႈၸုမ်းဢႃႊသီႊယၼ်ႊဝႆႉ။ ၵၢၼ်ဢွၵ်ႇၶၢဝ်းတၢင်းပွၵ်ႈၼႆႉ ပဵၼ်ၵၢၼ်ဢွၵ်ႇၶၢဝ်းတၢင်း ၸွမ်းၼင်ႇလႆႈတႅပ်းတတ်းဝႆႉ မိူဝ်ႈပၢင်ၵုမ် ၽွင်းလူင်ၾၢႆႇၼွၵ်ႈမိူင်း...