ပၢႆႉရူတ်ႉၵႃး

ႁွင်ႈၵၢၼ်ၾၢႆႇၵုမ်းရူတ်ႉၵႃးၸႄႈဝဵင်းတူၼ်ႈတီး ၵူတ်ႇထတ်းပၢႆႉမၢႆရူတ်ႉၵႃးၶဝ်ႈဢွၵ်ႇၵႂႃႇမႃးၼႂ်းဝဵင်း ၵူၼ်းမိူင်း သဵင်ႈငိုၼ်း သဵင်ႈၶၢဝ်းယၢမ်းၸွမ်းတင်းၼမ်။ တႄႇဢဝ်ႁူဝ်လိူၼ်မေႊၼႆ့မႃး ပလိၵ်ႈၾၢႆႇၵုမ်းထိင်းရူတ့်ၵႃး ဢၼ်ယူႇတႂ်ႈသိုၵ်းမၢၼ်ႈယိုတ်းမိူင်း တင်ႈလၢၼ်ႇတင်ႈၵဵတ်ႉသေ ၵူတ်ႇထတ်းပၢႆ့မၢႆရူတ့်ၵႃးၵူၼ်းမိူင်း ၼႂ်းဝဵင်းတူၼ်ႈတီး ၸိုင်ႈတႆးပွတ်းၸၢၼ်း ႁဵတ်းႁႂ်ႈၵူၼ်းမိူင်းယၢပ်ႇၽိုတ်ႇတႃႇၵႂႃႇမႃးလႄႈ သဵင်ႈငိုၼ်းသဵင်ႈၶၢဝ်းယၢမ်းၸွမ်းၼမ်ၼႆယဝ်ႉ။ ၵူၼ်းဝဵင်းတူၼ်ႈတီးၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ဢေႃႈၶႃႈ ဝၢႆးၼႆ့တႄ့ လႅပ်ႈတေလႆႈပၼ်ၼမ်ထႅင်ႈၼႆတႄ့ၵေႃႈ ၵမ်ႈၽွင်ႈဝႃႈယူႇၶႃႈဢေႃႈ။ ၶဝ်တႄႇၵူတ်ႇထတ်းမႃး တႄႇဢဝ်ဝၼ်းတီႈ 8 ၼႆ့ မႃးၶႃႈဢေႃႈ။...