ပၢင်တိုၵ်းပဵၼ်ၼႂ်းၸိုင်ႈတႆးပွတ်းႁွင်ႇ လၢႆၸႄႈဝဵင်း ၵူၼ်းဝၢၼ်ႈပၢႆႈၽေးသိုၵ်း ၼပ်ႉႁူဝ်ႁဵင်ၵေႃႉ

ၸုမ်းယိပ်းၵွင်ႈၵၢင်ႇၸၢဝ်းၶိူဝ်းၼင်ႇၵၼ် ပဵၼ်ပၢင်တိုၵ်းၵၼ်ႁၢဝ်ႈႁႅင်း ၼႂ်းၸိုင်ႈတႆးပွတ်းႁွင်ႇ လၢႆလၢႆၸႄႈဝဵင်း ၵူၼ်း ဝၢၼ်ႈလႆႈပၢႆႈၽေးသိုၵ်း ၼပ်ႉႁူဝ်ႁဵင်ၵေႃႉ ဝႃႈၼႆ။ ဝၼ်းတီႈ 13/02/2019 ယၢမ်းဝၢႆးဝၼ်း 1 မူင်း ၵူၼ်းဝၢၼ်ႈဝႃႈ ဢိူင်ႇလွႆၸေး မုင်ႉႁေႃႁိူၼ်း 21 မေႃႈၶဝ်ႈ ႁူဝ်ၵူၼ်း 63 ၵေႃႉ လႆႈဢွၼ်ၵၼ်ပၢႆႈၽေးသိုၵ်း မႃးသွၼ်ႈဝႆႉတီႈဝတ်ႉပုပ်ႉပႃႇရူင်ႇ ၸႄႈဝဵင်းၼမ်ႉတူႈ ၸိုင်ႈတႆးပွတ်းႁွင်ႇ။...