ပွႆးလဵၼ်ႈၼမ်ႉ

ၽွင်းဝၢၼ်ႈမိူင်းသုၵ်ႉယုင်ႈ ပဵၼ်ပၢင်တိုၵ်းသိုၵ်းသိူဝ်ယူႇၼႆႉ  သိုၵ်းမၢၼ်ႈယိုတ်းမိူင်း  ၶိၼ်ၸတ်းပွႆးသွၼ်းၼမ်ႉလိူၼ်ႁႃႈ  ၶိုၵ်ႉယႂ်ႇ တီႈဝဵင်းလူင် တူၼ်ႈတီး၊ ယၢမ်းလဵဝ် သိုၵ်းမၢၼ်ႈႁဵတ်းၶဵင်ႇႁူတ်းၼမ်ႉၵႃႈဝႅၼ်မူၼ်ႈသိူဝ်းၼၼ်ႉယဝ်ႉၵႂႃႇ တီႈၼိုင်ႈယဝ်ႉ။  သိုၵ်းမၢၼ်ႈႁဵတ်း ၶဵင်ႇႁူတ်း ၼမ်ႉယႂ်ႇလူင်ယဝ်ႉတူဝ်ႈၵႂႃႇၼႆႉပဵၼ် တီႈႁိမ်းလုမ်းသၽႃးၸႄႈမိူင်းတႆး ။ ပဵၼ်တီႈဢၼ်ၵူၼ်းလတ်းၵႂႃႇမႃးႁၼ်လႆႈၵူႈၵေႃႉလႄႈ သိုၵ်းမၢၼ်ႈၶႂ်ႈၼႄၾၢင်ႁၢင်ႈဝႃႈ ဝၢၼ်ႈမိူင်းၵတ်းယဵၼ် ၵူၼ်းမိူင်း မီးတၢင်းသိူဝ်း ၸတ်းႁဵတ်းပွႆးႁူတ်းၼမ်ႉၵိုၼ်းၶွၼ်ႈ၊ သိုၵ်းမၢၼ်ႈၵုမ်းဝၢၼ်ႈမိူင်းလႆႈလီငၢမ်းယဝ်ႉ-ၼႆၵူၺ်း ၼႆၵူၼ်းတူၼ်ႈတီးလၢတ်ႈၼင်ႇၼႆ။  “တလဵဝ်ၼႆႉၶဝ်မႃး ႁဵတ်းၶဵင်ႇမၢၼ်ႇတၢပ်ႈလူင်ယႂ်ႇယႂ်ႇဢၼ်ၼိုင်ႈ တီႈႁိမ်းလုမ်းသၽႃးမိူင်းတႆးၼၼ်ႉ။...