ပီႈၼွင်ႉၵူၼ်းမိူင်းတူၼ်ႈတီး ၸတ်းပၢင်ပိုတ်ႇပွႆးလိူၼ်သိပ်းသွင်တူၼ်ႈတီး

ၵူၼ်းမိူင်းတူၼ်ႈတီး၊ ၸဝ်ႈၼႃႈတီႈလၢႆလၢႆၾၢႆႇ ႁူမ်ႈၵၼ်ပိုတ်ႇပၢင်ပွႆးႁူင်းၾႆးမိၼ် ဢမ်ႇၼၼ် ပွႆးလိူၼ်သိပ်းသွင်မူၼ်း ၵိုၼ်းၶွၼ်ႈလီ ပီၼႆႉ ႁူင်းၾႆးမိၼ်ဢၼ်ၶဝ်ႈၶဵင်ႇၵၼ် တင်းမူတ်းတေမီးမွၵ်ႈ 390 လုၵ်ႈပၢႆ ဝႃႈၼႆ။ ဝၼ်းတီႈ 4/11/2019 ပဵၼ်ဝၼ်းတႄႇပိုတ်ႇပၢင်ပွႆး တီႈပၢင်ႇပွႆႇႁူင်းၾႆးမိၼ် ဢဝေႇယႃႇ ဝဵင်းလူင်တူၼ်ႈတီး ၸိုင်ႈတႆး ပွတ်းၸၢၼ်း။ ၼႂ်းဝၼ်းပိုတ်ႇပၢင်ၼၼ်ႉ ႁူင်းၾႆးမိၼ်ဢၼ်ပွႆႇၵၢင်ဝၼ်း ဢၼ်ပဵၼ်ႁၢင်ႈၵႃတုၼ်း/ သတ်းၼၼ်ႉ တင်းမူတ်းမီး ပွႆႇ...