ၵူၼ်းမိူင်းမၢၼ်ႈ 2 ၵေႃႉ ဢၼ်ၶဝ်ႈမိူင်းထႆးတၢင်းၶူဝ်တႃႈၶီႈလဵၵ်းမႄႈသၢႆၼၼ်ႉ ၸွမ်းၼင်ႇပလိၵ်ႈမၢၼ်ႈယွၼ်းတၢင်းႁူမ်ႈမိုဝ်းမႃးႁႂ်ႈတိပၼ်ၼႆလႄႈ ပလိၵ်ႈထႆးပိုၼ်ၽၢဝ်ႇတိၺွပ်းဝႆႉ။ ဢၼ်ပလိၵ်ႈထႆးပိုၼ်ၽၢဝ်ႇတိၵူၼ်းမိူင်းမၢၼ်ႈ 2 ၵေႃႉၼၼ်ႉ ပဵၼ် မဢူးတၢၼ်းၶိၼ်ႇ ဢႃယု 26 ပီလႄႈ မွင်ႇမွင်ႇၸူဝ်း ဢႃယု 28 ပီ။ ၸွမ်းၼင်ႇသိုဝ်ႇၶၢဝ်ႇ ၵဵင်းမႆႇၼိဝ်းသ် ပိုၼ်ၽၢဝ်ႇဝႃႈ တႄႉ မိူဝ်ႈဝၼ်းတီႈ 10/9/2019 ပလိၵ်ႈမၢၼ်ႈၶဝ်ႈၵူတ်ႇသွၵ်ႈတီႈႁိူၼ်းလင်ၼိုင်ႈ ဢၼ်ယူႇဝဵင်းမႂ်ႇပွၵ်ႉ...