ပလိၵ်ႈထႆးႁူမ်ႈၵၼ် ၸွမ်းႁႃတူဝ်ၵူၼ်းႁၢႆႉဢၼ်ထုၵ်ႇၼႄးဝႃႈ ၶႃႈမေးၸဝ်ႈၵဝ်ႇ

ၸဝ်ႈၼႃႈတီႈပလိၵ်ႈ ဝဵင်းၵဵင်းမႆႇႁူမ်ႈၵၼ်ၸွမ်းႁႃတူဝ် ၸၢႆးၵေႃးယ ဢၼ်ထၢင်ႇထိူမ်ဝႃႈ ပဵၼ်ၵူၼ်းၶႃႈႁႅမ်မေးၸဝ်ႈၵဝ်ႇတီႈ  ၵဵင်းမႆႇ ၸိုင်ႈထႆး။ ဝၼ်းတီႈ 20/11/2018 သိုဝ်ႇၶၢဝ်ႇၵဵင်းမႆႇပိုၼ်ၽၢဝ်ႇဝႃႈ ၸဝ်ႈၼႃႈတီႈၾၢႆႇၽွင်းငမ်း၊ ၾၢႆႇပလိၵ်ႈႁူမ်ႈၵၼ် လူင်းပိုၼ်ႉတီႈ ၸွမ်းႁႃတူဝ်ၸၢႆးၵေႃးယ ဢၼ်ထုၵ်ႇၼႄးဝႃႈၶႃႈႁႅမ်မေးၼၢင်းမၼ်းၸၢႆးတၢႆတီႈမႄႈရိမ်း ဝဵင်းၵဵင်းမႆႇ ၸိုင်ႈထႆး ၶၢတ်ႈလၢမ်းဝႃႈ ပၢႆႈၶဝ်ႈၵႂႃႇတၢင်းၼႂ်းထိူၼ်ႇလွႆသုထဵပ်ႈဝႃႈၼႆ။ ၽွင်းၶဝ်ႈၵႂႃႇၵူတ်ႇထတ်းၼၼ်ႉၸဝ်ႈၼႃႈတီႈထူပ်းႁၼ်ႁွႆးတိၼ်၊ ႁွႆးၸူႉတုမ်ၾႆးႁုင်ၵိၼ်ၶဝ်ႈၽၵ်း၊ မီးၶဝ်ႈသွႆးဢေႃႇတေႃႇ၊ ၶဝ်ႈသၢၼ်ၸိူဝ်းၼႆႉ ၊ယူႇတီႈၸဝ်ႈၼႃႈတီႈပလိၵ်ႈသေ တေၶတ်းၸႂ် ၸွမ်းႁႃတူဝ်မၼ်းၸၢႆးတေႃႇပေႃးထူပ်းႁၼ်ၼႆယဝ်ႉ။ ၸၢႆးပိူင်း...