ပလိၵ်ႈထႆးၵူတ်ႇထတ်းတီႉၺွပ်းၵူၼ်းၼုမ်ႇတႆး 20ပၢႆ ၼႄးဝႃႈသၢင်ႈလွင်ႈသုၵ်ႉယုင်ႈဢူၼ်ၵဝ်း

ပလိၵ်ႈထႆး ၵဵင်းမႆႇ ၵူတ်ႇထတ်းတီႉၺွပ်းႁႅင်းၵၢၼ်ယၢၼ်မိူင်းၸၢႆးၼုမ်ႇတႆး 20 ပၢႆ သေၵုမ်းၶင်ဝႆႉ ၼႄးဝႃႈသၢင်ႈလွင်ႈဢမ်ႇ ၼိမ်သဝ်း ၽိတ်းမေႃးၵၼ်ၸဵမ်ၸိူဝ်းၼႆႉ။ ဝၼ်းတီႈ 05/11/2018 သိုဝ်ႇၶၢဝ်ႇၵဵင်းမႆႇ ပိုၼ်ၽၢဝ်ႇဝႃႈ - ၸဝ်ႈၼႃႈတီႈပလိၵ်ႈဝဵင်းၵဵင်းမႆႇ ႁူမ်ႈၵၼ်လူင်းပိုၼ်ႉတီႈၵူတ်ႇထတ်းတီႉၺွပ်းႁႅင်းၵၢၼ်ယၢၼ်မိူင်း ၼုမ်ႇၸၢႆးတႆး 24 ၵေႃႉ ၸွမ်းၵၢတ်ႇ၊ ၸွမ်းတၢင်းလႄႈ ၼိူဝ်ၶူဝ်ၶၢမ်ႈၼမ်ႉပိင်းၸိူဝ်းၼႆႉလၢႆလၢႆတီႈၼႂ်းဝဵင်းၵဵင်းမႆႇ။ ၸၢႆးပိူင်း ၸဝ်ႈၼႃႈတီႈၾၢႆႇမၢႆမီႈ HRDF လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ...