ထုင်ႉသီႇပေႃႉ - ၵျွၵ်ႉမႄး ဢမ်ႇႁူႉလွင်ႈတၢင်းသေ ၵႆႉယိုဝ်းၵၼ်တၢႆလႄႈ ၵူၼ်းမိူင်း ဢမ်ႇမီးလွင်ႈႁူမ်ႇလူမ်ႈ

ၵူၼ်းမိူင်းၼႂ်းၸိုင်ႈတႆးပွတ်းႁွင်ႇ ၼႂ်းၸႄႈဝဵင်းသီႇပေႃႉ - ၵျွၵ်ႉမႄး ၸိူဝ်းၼႆႉ ဢမ်ႇႁူႉလွင်ႈတၢင်းသေ ၵႆႉမီးၵူၼ်းယိပ်းၵွင်ႈ ၶဝ်ႈယိုဝ်းတၢႆလႄႈ ဢမ်ႇမီးလွင်ႈႁူမ်ႇလူမ်ႈ ၵႂႃႇလႂ်မႃးလႂ်ၵေႃႈလႆႈမႆႈၸႂ်ယူႇၵူႈၶၢဝ်းယၢမ်း ဝႃႈၼႆ။ ဝၼ်းတီႈ 24/10/2019 ယၢမ်းၵၢင်ၶမ်ႈ 9 မူင်း မီးၸုမ်းဢမ်ႇႁူႉၾၢႆႇ ၶဝ်ႈယိုဝ်း တီႈတႃႈရူတ်ႉ တၢင်းၼႃႈလုမ်းပႃႇတီႇသၢင်ႇသီႈ ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ။ လွင်ႈၵူၼ်းမိူင်းလူႉတၢႆမၢတ်ႇၸဵပ်း ဢမ်ႇမီး။ ၸၢႆးထုၼ်းဝိၼ်း ၽူႈတႅၼ်းသၽႃးၸႄႈမိူင်း...