လူင်ပွင်ၸိုင်ႈထႆးလႄႈ ၶွမ်ႊပၼီႊ ၻီႊထႅၵ်ႊလႄႈ ထရူႊမုပ်ႉ ၶိုင်ပၼ်ၵူၼ်းမိူင်းမၢၼ်ႈၼႂ်းမိူင်းထႆး ႁႂ်ႈၵပ်းသိုပ်ႇၾူၼ်းၸူးတေႃႇၵူၼ်းႁိူၼ်းလႆႈ လူၺ်ႈဢမ်ႇသဵင်ႈငိုၼ်း။ ၽႅၼ်ႇလိၼ်ဝႆႁႅင်းၵမ်းၼႆႉ ၵူၼ်းမိူင်းမၢၼ်ႈမီးလွင်ႈလူႉသုမ်းတုမ်ႉတိူဝ်ႉၼမ်ႁႅင်း ၊ ႁႅင်းၵၢၼ်မိူင်းမၢၼ်ႈ ၼႂ်းမိူင်းထႆးၵေႃႈ ယွၼ်ႉႁိူၼ်းတိုၵ်းသုင်ဢၼ်တိုၵ်ႉၵေႃႇသၢင်ႈယူႇၼၼ်ႉ ၵူၼ်ႇလူင်းတဵင်သႂ်ႇလႄႈ လူႉတၢႆမၢတ်ႇၸဵပ်းၼမ်။ လူင်ပွင်ၸိုင်ႈ မိူင်းထႆး ပိုၼ်ၽၢဝ်ႇ မိူဝ်ႈဝၼ်းတီႈ 29/03/2025 ဝႃႈ ႁႅင်းၵၢၼ် မိူင်းမၢၼ်ႈ ၵပ်းၾူၼ်းၸူး ၵူၼ်းတၢင်းႁိူၼ်းလႆႈၾရီႊ တေႃႇထိုင်လိူၼ်မၢတ်ႉၶျ်...