တႆးတၵ်းပဵၼ်ၵူၼ်းၶိူဝ်းဢွၼ်ႇ ပေႃးဢမ်ႇၼပ်ႉသွၼ်ႇတႆးၵူႈမိူင်းမိူင်း

ပိူဝ်ႈတႃႇလိၵ်ႈတႆးၵႂၢမ်းတႆးတေတႅတ်ႈတေႃးတၢႆတူဝ်ၼၼ်ႉ မိူဝ်ႈသၢမ်သိပ်းပီပူၼ်ႉမႃး ၼႂ်းတူင်ႇဝူင်းတႆးႁဝ်း လႆႈငိၼ်း သဵင်ႁိုၼ်ႇႁဵၵ်ႈႁွင်ႉ “လိၵ်ႈႁူမ်ႈတူဝ်ၵႂၢမ်းႁူမ်ႈၶေႃႈ” ၼႆသႅၼ်ႇလင်မႃးယူႇ။ တႃႇတေပဵၼ်မႃးၼၼ်ႉ ၵမ်ႈၽွင်ႈၵေႃႈ လႆႈၶတ်းၸႂ်သႂ်ႇၶေႃးတႄႉတႄႉဝႃႈဝႃႈ၊ ၵူၺ်းၵႃႈ ၸွင်ႇမၼ်းၵိုင်ႇလႅပ်ႈတင်းတႆးႁဝ်း ဢၼ်မီးယူႇလၢႆၶိူဝ်းလၢႆသၢႆ လၢႆၵိင်ႇလၢႆၵၢၼ်ႈၼၼ်ႉ ၸွင်ႇတေထွင်ၸူးၵၼ်မိုၼ်ႈလူမ်လႆႈငၢႆႈၸႂ်။ ၸိူင်ႉၼင်ႇၶႄႇၼႆႉ ႁူမ်ႈဝႃႈလိၵ်ႈၶဝ် ႁူမ်ႈတူဝ်ၵၼ် သေတႃႉၵေႃႈ ၵႂၢမ်းၶဝ်ဢမ်ႇႁူမ်ႈၶေႃႈၵၼ် တႅမ်ႈတူဝ်လဵဝ်ၵၼ် တီပွင်ႇလဵဝ်ၵၼ်ၵေႃႈ ဢၢၼ်ႇဢွၵ်ႇသဵင် ဢမ်ႇမိူၼ်ၵၼ်။ ဢမ်ႇၵွမ်ႉၵႃႈ...