တႅမ်ႈလႃႇၵၼ်ၼိူဝ် Facebook ၸၢင်ႈၺႃးတၢမ်ႇငိုၼ်းၼမ်ထိုင် 300

ၾၢႆႇမၢႆမီႈမိူင်းထႆးၾၢင်ႉ ၵူၼ်းၸိူဝ်းဢၼ်မီးတၢင်းယၢမ်ႈတႅမ်ႈလႃႇတႅမ်ႈဝႃႈႁင်းၵၼ်ၼိူဝ် Facebook ၼၼ်ႉပေႃးၵေႃႉဢၼ် ၺႃးလႃႇၼၼ်ႉဢမ်ႇႁၢၼ်ႉၸႂ်သေ ၵႂႃႇတၢင်ႇယိုၼ်ႈဢဝ်လိူင်ႈၼႆ ၸၢင်ႈၺႃးတၢမ်ႇ မႂ်ငိုၼ်းၼမ်ထိုင်သၢမ်သႅၼ်ၿၢတ်ႇၼႆယဝ်ႉ။ ဝၼ်းတီႈ 17/10/2018 ၸဝ်ႈၼႃႈတီႈၾၢႆႇမၢႆမီႈထႆး မွၵ်ႇလၢတ်ႈၾၢင်ႉတိူၼ်ထိုင်ၵူၼ်းဝၢၼ်ႈၵူၼ်းမိူင်းဝႃႈ ႁႂ်ႈဝႆႉၾၢင်ႉသတိ ၵၢၼ်တႅမ်ႈလႃႇ တႅမ်ႈဝႃႈႁင်းပိူၼ်ႈၼိူဝ် Facebook ယွၼ်ႉဝႃႈပေႃးၵူၼ်းဢၼ်ထုၵ်ႇၺႃးဝႃႈၼၼ်ႉ ဢမ်ႇႁၢၼ်ႉၸႂ်သေၵႂႃႇတၢင်ႇလုမ်းတြႃးၼႆ ၸၢင်ႈၺႃးတူတ်ႈတၢမ်ႇ မႂ်ငိုၼ်းၼမ်သုတ်းထိုင်သၢမ်သႅၼ်ၿၢတ်ႇၼႆယဝ်ႉ။ ၸၢႆးပိူင်း ၸဝ်ႈၼႃႈတီႈၾၢႆႇမၢႆမီႈ HRDF လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ - “...