တႅပ်း

ၼႂ်းၶၢဝ်းတၢင်းႁူဝ်သိပ်းပီမႃးၼႆႉ ပႃႇမႆႉပႃႇထိူၼ်ႇ ပႃႇပႅၵ်ႇၼႂ်းမိူင်းတႆး ဢမ်ႇဝႃႈပွတ်းႁွင်ႇ ပွတ်းၸၢၼ်း ပွတ်းဢွၵ်ႇ လူႉၼမ်ၵူႈပွတ်းတွၼ်ႈ။ ဢမ်ႇမီးမိူင်းတႆးပွတ်းလႂ် ဢၼ်ပႃႇထိူၼ်ႇဢမ်ႇလူႉ၊ ၵူၺ်းၵႃႈ ဢၼ်ယႃႉလူႉပႃႇမႆႉပႃႇထိူၼ်ႇၼၼ်ႉ သမ်ႉပဵၼ်ၽႂ်ၼေႃ။ မႆႉလီမီးယေႈတူၼ်ႈ-ၼူၵ်ႉမူၼ်ႈမိုၼ်ႇသႅၼ်တူဝ်၊ မႆႉတူၼ်ႈၼိုင်ႈလမ်းလဵဝ်- လူင်ၶဵဝ်ၽႂ်ဢမ်ႇဝႃႈ၊ မႆႉတူၼ်ႈၼိုင်ႈ ဢမ်ႇပဵၼ်လူင်ၶဵဝ်-ၵူၼ်းႁိူၼ်းလဵဝ်ဢမ်ႇပဵၼ်မူႇဝၢၼ်ႈ ၼႆၼၼ်ႉ လႆႈႁၼ်ၵႂၢမ်းၵပ်းထုၵ်ႇ တႆးႁဝ်း ယွင်ႈဝႆႉၵႃႈၶၼ်ပႃႇထိူၼ်ႇတူၼ်ႈမႆႉဝႆႉလီငၢမ်း။ ၵွပ်ႈပိူဝ်ႈၼႆ ပႃႇမႆႉပႃႇထိူၼ်ႇပဵၼ်တူၼ်ႈၼမ်ႉ ဢုမ်ႈၼမ်ႉဝႆႉ ယၢမ်းၾႃႉၾူၼ်တူၵ်းလူင်းမႃး...