တၢင်းပဵၼ်ၸဵပ်းၶိုၼ်ႈ ၸွမ်းလုပ်ႇၵပ်းလုပ်ႇတေႃႇ (Gout)

တၢင်းပဵၼ်ၸဵပ်းၶိုၼ်ႈ ၸွမ်းလုပ်ႇၵပ်းလုပ်ႇတေႃႇၼႆႉ ၽႃသႃဢိင်းၵလဵတ်ႈဝႃႈ Gout ၊ ထႆးဝႃႈရူၵ်ႊၵဝ်ႉ၊ ၵႂၢမ်းတႆးတႄႉယၢမ်ႈငိၼ်းပူႇမွၼ်းၼၢႆးယႃႈႁဝ်းလၢတ်ႈဝႃႈ တၢင်းပဵၼ်ၽီလိၼ် ၼႆၵၼ်ယဝ်ႉ။ တၢင်းပဵၼ်ၼႆႉ ၵိူတ်ႇၶိုၼ်ႈပဵၼ်မႃးၸိူင်ႉႁိုဝ်၊ ယွၼ်ႉသင်လႄႈပဵၼ်မႃး၊ ၵူၼ်းပဵၼ်ၶဝ်တေလႆႈယူတ်းယႃ တိုဝ်းၵမ်ၸိူင်ႉႁိုဝ်၊ ထုၵ်ႇလီလႆႈငိူင်ႉဝႄႈတၢင်းၵိၼ်ၸိူင်ႉႁိုဝ်ၸိူဝ်းၼႆႉ တွၼ်ႈၼႆႉ ႁဝ်းပီႈၼွင်ႉဢွၼ်ၵၼ်လဵပ်ႈႁဵၼ်းႁူႉဢိတ်းၼိုင်ႈ ၶႃႈၼေႃႈ။ တၢင်းပဵၼ်ၼႆႉၽႂ်ၵႆႉပဵၼ် ၵႆႉပဵၼ်ၸွမ်းတူဝ်ၶိင်းတီႈလႂ်?။ တၢင်းပဵၼ်ၸဵပ်းၶိုၼ်ႈ ၸွမ်းလုပ်ႇၵပ်းလုပ်ႇတေႃႇၼႆႉ ၽူႈၸၢႆးပဵၼ်ၼမ်လိူဝ်ၼၢင်းယိင်း။ ၵႆႉပဵၼ်တီႈၶေႃႈတေႃႇ ၼိဝ်ႉႁူဝ်မႄႈတိၼ်၊ ၸွမ်းတူဝ်ၶိင်းတၢင်ႇတီႈသမ်ႉ...