တီႈဝဵင်းၼမ်ႉၸၢင် ၸိုင်ႈတႆးပွတ်းၸၢၼ်းၼႆႉ လုၵ်ႈဢွၼ်ၸိူဝ်းတေၵႂႃႇႁဵၼ်းလိၵ်ႈတီႈၸၼ်ႉၸွမ်ၼၼ်ႉ လႆၵႂႃႇပၼ်ၶႅပ်းၵၢင်ၸႂ်လိူၵ်ႈတင်ႈလူင်ႈၼႃႈၵွၼ်ႇၸင်ႇလႆႈဝႂ်ႁပ်ႉႁွင်းၵႂႃႇႁဵၼ်းလိၵ်ႈၸၼ်ႉၸွမ်တီႈဢၼ်ၸဝ်ႈၵဝ်ႇၶႂ်ႈႁဵၼ်းဝႃႈၼႆ။   တႄႇၵၢင်လိူၼ် ၼူဝ်ႊဝႅမ်ႊပိူဝ်ႊၼႆႉမႃး ႁွင်ႈၵၢၼ်ၾၢႆႇၽွင်းငၢမ်းၵူႈလွင်ႈလႄႈ ၵၢင်ႉၵႄႇလၢတ်ႈ ၵူၼ်းၼႂ်းပွၵ်ႉၼႂ်းယွမ်ႇဝႃႈ လုၵ်ႈႁဵၼ်းၸၼ်ႉၸွမ်ၸိူဝ်းတေၵႂႃႇၶိုၼ်ႈႁဵၼ်းလိၵ်ႈ တီႈၸၼ်ႉၸွမ် တၢင်ႇတီႈတၢင်ႇဝဵင်းၸိူဝ်းၼၼ်ႉ တေလႆႈမႃးသႂ်ႇဝႂ်ၶႅပ်းၵၢင်ၸႂ်လူင်ႈၼႃႈ တီႈလုမ်းၼႂ်း ပွၵ်ႉၽႂ် ပွၵ်ႉမၼ်းၵွၼ်ႇၸင်ႇတေပၼ်ဝႂ်ႁပ်ႉႁွင်းၵႂႃႇႁဵၼ်းလိၵ်ႈဝႃႈၼႆ။   လုၵ်ႈႁဵၼ်းၸၼ်ႉၸွမ်ဝဵင်းၼမ်ႉၸၢင်လၢတ်ႈၽူႈတွႆႇႁွၵ်ႈဝႃႈ -“ ပေႃးဢမ်ႇၵႂႃႇသႂ်ႇဝႂ်ၶႅပ်းၵၢင်ၸႂ်လိူၵ်ႈတင်ႈလူင်ႈၼႃႈ ဢမ်ႇၸၢင်ႈၵႂႃႇၶိုၼ်ႈႁဵၼ်း ၊ ပေႃးၵႂႃႇသႂ်ႇၶႅပ်းၵၢင်ၸႂ်ယဝ်ႉၼၼ်ႉ ၶဝ်တေပၼ်မႃးဝႂ်ႁပ်ႉႁွမ်းဢၼ်ၼိုင်ႈ ၊...