တေႁူမ်ႈၵၼ်

တႃႇပႃႇတီႇတႆးလႅင်သွင်ဢၼ် တေႁူမ်ႈၵၼ် သေ ၶဝ်ႈပၢင်လိူၵ်ႈတင်ႈၼၼ်ႉ တေဢုပ်ႇၵၼ်ၼႂ်းႁၢင်လိူၼ်မၢတ်ႉၶျ်တေမႃးၼႆႉဝႃႈၼႆ။ ဝၼ်းတီႈ 23/2/2020 သင်ၶၸဝ်ႈတႆးလႅင်ၸတ်းပၢင်ၵုမ်ၶိုၵ်ႉတွၼ်းသေ ဢုပ်ႇဢူဝ်းၶဝ်ႈၵႄႈၵၢင်ပၼ်လႄႈ ၸင်ႇတူၵ်းလူင်းၵၼ်လႆႈဝႃႈတေဢုပ်ႇၵုမ်ၵၼ်တႃႇႁူမ်ႈၵၼ်။ ဢူးၸၢမ်ႇပေႉ ၽူႈၼမ်းၼႃႈၸုမ်းႁဵတ်းသၢင်ႈတႃႇႁုၼ်ႈမုၼ်းမႂ်ႇသုင် ၸိူဝ်ႉၸၢတ်ႈတႆးလႅင် လၢတ်ႈဝႃႈ - “ သင်ဝႃႈတေႁူမ်ႈၵၼ်လႆႈယၢမ်းလဵဝ်သေတႃႉ ၶွမ်ႊမသျိၼ်ႊပၢင်လိူၵ်ႈတင်ႈၵေႃႈၶဝ်မီးၶၢဝ်းယၢမ်းဝႆႉယဝ်ႉ တႃႇတေတၢင်ႇမၢႆၾၢင်ပႃႇတီႇ၊တႃႇလႅၵ်ႈၸိုဝ်ႈၸိူဝ်းၼႆႉ။ ပဵင်းၼင်ႇၶႃႈလႆႈႁူႉတႄႉ ၶၢဝ်းယၢမ်း တႃႇတၢင်ႇမၢႆၾၢင်ႁူမ်ႈၵၼ်ၸိူဝ်းၼၼ်ႉ မၼ်းမူတ်းၵႂႃႇယဝ်ႉၶႃႈလူး ” ဝႃႈၼႆ။ တႃႇပႃႇတီႇတေႁူမ်ႈၵၼ်ၼၼ်ႉ ၼိုင်ႈၾၢႆႇၵူၼ်း...