ယၢမ်းလဵဝ် တီႈတူဝ်းၵဵတ်ႉ တၢင်းၶဝ်ႈဢွၵ်ႇဝဵင်းလွႆလႅမ် ၸိုင်ႈတႆးပွတ်းၸၢၼ်းၼႆႉ ယူႇတီႈ ပလိၵ်ႈမၢၼ်ႈ ၾၢႆႇၽဵဝ်ႈမူၺ်ႉယႃႈမဝ်းၵမ် တႂ်ႈသိုၵ်းမၢၼ်ႈ ၵုမ်းၵမ်ဝႆႉၼၼ်ႉ ၵူတ်ႇထတ်းၸႅတ်ႈထၢမ်ၵူၼ်းၵႂႃႇမႃးႁၢဝ်ႈႁႅင်း သင်ဢမ်ႇပႃးမၢႆၾၢင်ၸိုင် ၺႃးတီႉၺွပ်းၵုမ်းတူဝ်ဝႆႉ။ ၵူၼ်းႁေႃႈၵႃး ဝဵင်းၼမ်ႉၸၢင် - တူၼ်ႈတီး လၢတ်ႈတီႈၽူႈတွႆႇႁွၵ်ႈဝႃႈ - “တီႈတူဝ်းၵဵတ်ႉလွႆလႅမ်ၼႆႉ တေပဵၼ်ပလိၵ်ႈၾၢႆႇၽဵဝ်ႈမူၺ်ႉယႃႈမဝ်းၵမ်ၶဝ် တေႁွင်ႉလူင်းၵႃးသေ ယိုတ်းမၢႆၾၢင်ဝႆႉ ယဝ်ႉၵေႃႈ ဢမ်ႇလၢတ်ႈတေႃႇလီလီ။...