တီႉရူတ်ႉၶိူင်ႈ

ပလိၵ်ႈၾၢႆႇၵုမ်းရူတ်ႉၶိူင်ႈတီႈလႃႈသဵဝ်ႈ ၵူတ်ႇထတ်းရူတ်ႉၶိူင်ႈၵူၼ်းမိူင်းၵၢင်ဝဵင်းႁၢဝ်ႈႁႅင်းမႃးၶၢဝ်းတၢင်းလိူၼ်ပၢႆ၊ ယိုတ်းရူတ်ႉဢၼ်ဢမ်ႇမီးဝႂ်ၶွၼ်ႇသေ ဢၼ်မီးဝႂ်ၶွၼ်ႇသမ်ႉယွၼ်းငိုၼ်း 1 လမ်းဢမ်ႇယွမ်း 3 မိုၼ်ႇပျႃး။ တႄႇၼႂ်းလိူၼ် သႅပ်ႊထိမ်ႊပိူဝ်ႊၼႆႉမႃး ပလိၵ်ႈမၢၼ်ႈလႄႈသိုၵ်းမၢၼ်ႈၵူတ်ႇထတ်း ရူတ်ႉၶိူင်ႈၵၢင်ဝဵင်းလႃႈသဵဝ်ႈ ၊ ရူတ်ႉဢမ်ႇမီးဝႂ်ၶွၼ်ႇၸိူဝ်းၼၼ်ႉ ယိုတ်းဢဝ်ၵႂႃႇဝႆႉၼႂ်းတိူင်းသိုၵ်း ယမၶ သေ ဢမ်ႇပၼ်ၸဝ်ႈၶွင်မႃးထုတ်ႇဢဝ်ၶိုၼ်း၊ လိုၼ်းသုတ်း တၢင်ႇၵႃးသူင်ႇၸူးၼေႇပျီႇတေႃႇ ႁဵတ်းႁႂ်ႈ ၵူၼ်းမိူင်းၸဝ်ႈရူတ်ႉၶိူင်ႈ လိူတ်ႇႁွၼ်ႉမႆႈၸႂ်။ ၵူၼ်းပိုၼ်ႉတီႈလႃႈသဵဝ်ႈၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ -...