တိူင်းသိုၵ်းယပၶ

မိူၼ်ၼႆၼင်ႇၵဝ်ႇ တီႈဝဵင်းတူၼ်ႈတီးၸိုင်ႈတႆးပွတ်းၸၢၼ်းၵေႃႈ သိုၵ်းမၢၼ်ႈပိုၼ်ၽၢဝ်ႇဝႆႉဝႃႈ - တီႈမူႇၸုမ်းၵေႃႈလီ ပီႈၼွင်ႉၸိူဝ်ႉၶိူဝ်းၵၼ်ၵေႃႈယဝ်ႉ တေဢမ်ႇလႆႈႁပ်ႉၵူၼ်းပၢႆႈၽေးသိုၵ်းဢၼ်လုၵ်ႉတၢင်း လႅၼ်လိၼ်တႆး-ယၢင်းလႅင်ၶိုၼ်ႈမႃးလႃးလႃးဝႃႈၼႆဝႆႉ။ သိုၵ်းမၢၼ်ႈပိုၼ်ၽၢဝ်ႇဢွၵ်ႇမိူဝ်ႈဝၼ်းတီႈ 15 ဝၼ်းပုတ်ႉပူၼ်ႉမႃးဝႃႈ ယူႇတီႈၵူၼ်းမိူင်းဝဵင်းတူၼ်ႈတီး၊ ဢွင်ႇပၢၼ်း ၊ ယွင်ႁူၺ်ႈသေ - ၵူၼ်းပၢႆႈၽေးသိုၵ်းဢၼ်လုၵ်ႉတၢင်းလႅၼ်လိၼ်တႆးယၢင်းလႅင်ၶိုၼ်ႈမႃးၼၼ်ႉ ၸုမ်းတူင်ႇဝူင်းၵူၼ်းၵေႃႈလီ ၸုမ်းသုၼ်ႇတူဝ်ၵေႃႈယဝ်ႉ ၵျွင်းမုၼ်ၸဝ်ႈၵေႃႈပႃး တိုၼ်းတေဢမ်ႇလႆႈႁပ်ႉ ပၼ်တၢင်းၸွႆႈထႅမ် လႃးလႃး။ ရူတ်ႉၵႃးတၢင်ႇၵူၼ်းပၢႆႈၽေးသိုၵ်းမႃးၼၼ်ႉၵေႃႈ တေဢမ်ႇလႆႈပၼ်လတ်း...