ဝၢႆးလင်သိုၵ်းတဢၢင်း တင်း သိုၵ်းမၢၼ်ႈ ပိုၼ်ၽၢဝ်ႇၵိုတ်းတိုၵ်းၵၼ်သေ တူၵ်းလူင်းတႃႇဢဝ်သၢႆသိုၵ်း ထွႆဢွၵ်ႇ ဝဵင်းမိူင်းၵုတ်ႈ၊ ဝဵင်းမိူင်းမိတ်ႈယဝ်ႉၼႆႉ ၵူၼ်းမိူင်းၸိူဝ်းယူႇသဝ်းဝႆႉၼႂ်းပိုၼ်ႉတီႈၼၼ်ႉၵမ်ႈၼမ် ဢွၼ်ၵၼ် မႆႈၸႂ်သေႁႅၼ်းၶူဝ်းငိူင်ႉဢွၵ်ႇ ဝဵင်းမိူင်းၵုတ်ႈဝႆႉ။ တႄႇႁူဝ်လိူၼ်ၼူဝ်ႊဝႅမ်ႊပိူဝ်ႊမႃး ၵူၼ်းမိူင်းငိူင်ႉဢွၵ်ႇမိူင်းၵုတ်ႈ မီးၵူႈဝၼ်း ၵမ်ႈၽွင်ႈၵႂႃႇတၢင်းမိူင်းမိတ်ႈ ၵမ်ႈၽွင်ႈထိုင် ဝဵင်းလိူဝ်ႇ။ ၵႃႈရူတ်ႉၵႃးပုင်ႈၶိုၼ်ႈၵႂႃႇ 5 ပုၼ်ႈၼႆၵူၼ်းမိူင်းဝဵင်းမိူင်းၵုတ်ႈ လၢတ်ႈၼင်ႇၼႆ။ “ၵမ်ႈၼမ်ဢွၼ်ၵၼ်ငိူင်ႉၵႂႃႇတၢင်းဝဵင်းလိူဝ်ႇဢိူဝ်ႈ။ ၵႃးၵေႃႈၶၢတ်ႈယၢပ်ႇၼႃႇမိူဝ်ႈလဵဝ်။ ရူတ်ႉၵႃးဢၼ်လႅၼ်ႈသဵၼ်ႈတၢင်း မိူင်းၵုတ်ႈ...