ပေႃးၾူၼ်ဢွၵ်ႇတူၵ်းသိၵ်းသိၵ်းမႃး ၽၵ်းပၵ်ႉၽၵ်းၼွႆးဢွၼ်ႇၵေႃႈႁုၼ်ႈမႃးတင်ႈမႃး၊  ႁဵပ်းဢွၼ်ႇ ၼေႃႇဢွၼ်ႇၵေႃႈမႅၼ်းမႃး ပဵၼ်ၶၢဝ်းတၢင်းၵိၼ်လိူင်ႇၼႆၵေႃႈဝႃႈလႆႈ။ ၼေႃႇၼႆႉပေႃးဢမ်ႇမီးၵေႃမႆႉ ယင်းဢမ်ႇၸၢင်ႈႁႃလႆႈသေတႃႉ ႁဵပ်းၼႆႉၼႆႉၵႆႉဢွၵ်ႇ ၸွမ်းလႅၼ်သူၼ်လႅၼ်ႁႆႈ တိၼ်ႁူဝ်ႉတိၼ်ႁိူၵ်ႈ မီးႁိမ်းၸမ်တိၼ်ၸမ်မိုဝ်းၵူၺ်းလႄႈ ႁႃၵိၼ်ငၢႆႈ၊ သမ်ႉၵိၼ်ဝၢၼ်ထႅင်ႈ။ ၵူၺ်းၵႃႈပေႃးဢမ်ႇမေႃတူၺ်းဝႃႈပဵၼ်ႁဵပ်းလီႁႃႉႁဵပ်းမိူဝ်ႇၼႆၸိုင် ၽေးၵႆႉထိုင်သၢႆၸႂ်လူးၵွၼ်ႇ။ၵွပ်ႈၼႆပေႃးၾူၼ်ဢွၼ်ႇသိင်းမႃး ႁဝ်းၶႃႈထုၵ်ႇလီပၼ်ၾၢင်ႉၵၼ်လွင်ႈႁဵပ်းမိူဝ်ႇႁဵပ်းၵွင်ႉ။ ႁဵပ်းၸိူင်ႉႁိုဝ်ၸၢင်ႈမိူဝ်ႇ၊ ပေႃးမိူဝ်ႇႁဵပ်းထုၵ်ႇလီႁဵတ်းၸိူင်ႉႁိုဝ် ၼင်ႇႁိုဝ်ပေႃးတေလွတ်ႈတၢင်းတၢႆ။ ၼမ်ႉလႅမ်ႉ ဢရသႃႇႁဵပ်း ဢၼ်ၸဵမ်းဝၢၼ်ဢူၼ်ႈဢွၼ်ႇၼၼ်ႉ ပဵၼ်လွင်ႈတၢင်း...