မိူဝ်ႈၼႆႉဝၼ်းတီႈ 10/3/2026 ၼႂ်းပၢင်ၵုမ်လုမ်းသၽႃးၸိုင်ႈထႆး ဢုပ်ႇဢူဝ်းတူၵ်းလူင်းလႆႈၸႂ်ၵၼ် တႃႇၵႄႈလိတ်ႈပၼ်ႁႃၵႃႈၶၼ်ၼမ်ႉမၼ်းၸၢၵ်ႈပုင်ႈၶိုၼ်ႈသုင်ႁႅင်း လႄႈ လူတ်းယွမ်းၵၢၼ်ၸႂ်ႉတိုဝ်းၼမ်ႉမၼ်းၸၢၵ်ႈၼႆသေ မၵ်းမၼ်ႈၵႂႃႇဝႃႈ ႁႂ်ႈၽူႈႁၢပ်ႇၵၢၼ် ၸိူဝ်းယူႇတႂ်ႈလုမ်းလူင်ပွင် ၸိုင်ႈမိူင်းထႆးတင်းသဵင်ႈ ယူႇႁိူၼ်းႁဵတ်းၵၢၼ်ၵႂႃႇ ၼႆယဝ်ႉ။ ၼွၵ်ႈလိူဝ်ၼၼ်ႉ ႁႂ်ႈၵိုတ်းဝႆႉပႃးၶၢဝ်းတၢင်း ဢၼ်တေလႆႈၵႂႃႇၾိုၵ်း- ၵႂႃႇလဵပ်ႈႁဵၼ်းၵၢၼ်ၼွၵ်ႈမိူင်း တၢင်ႇဝၢၼ်ႈတၢင်ႇမိူင်းဝႆႉၵမ်းၼိုင်ႈ ၼႆယဝ်ႉ။။ ၼၢင်းသၢဝ်လလိတႃ ၽိူတ်ႉဝိဝတ်ႉထၼႃ ၵႅမ်ၽူႈၶၢၼ်ပၢၵ်ႇတီႈလုမ်းတႅၼ်းၽွင်းမိူင်းထႆး လၢတ်ႈတီႈသိုဝ်ႇၶၢဝ်ႇထႆးဝႃႈ - တီႈမိူင်းထႆးၼႆႉ ၼိုင်ႈဝၼ်းၸႂ်ႉၼမ်ႉမၼ်းၸၢၵ်ႈသဵင်ႈယူႇ...