လွင်ႈၽွမ်ႉႁူမ်ႈတႆးၼႆႉ ပေႃးတေၵုမ်ႇႁဵတ်းလၢႆး “ႁိူဝ်းပွင်ႇၵၢင်ၽွင်း ဢဝ်ၶီႈမုၵ်ႈယႃ” ၵူၺ်းတႄႉ၊ ပိၵ်ႉသမ်ႉဝႃႈ ၶႂ်ႈလႆႈဝၢၼ်ႈ- ၶႂ်ႈလႆႈမိူင်း ၵႃႈႁိုဝ်ၵေႃႈ မိူၼ်ၵၼ်တင်း ၶႂ်ႈလႆႈလိူၼ် - ၶႂ်ႈလႆႈလၢဝ်ၼၼ်ႉယဝ်ႉ။ ၽူႈတွႆႇႁွၵ်ႈ ပပ်ႉၵွၼ်းၶေႃ မၢႆ 183 လိူၼ်မၢတ်ႉၶျ် ပီ 2001

ဝၢႆးၵေႃႇတင်ႈတပ်ႉသိုၵ်းၼုမ်ႇသိုၵ်းႁၢၼ် ႁဵတ်းၵၢၼ်တႃႇမိူင်းၵွၼ်းၶေႃ မိူဝ်ႈဝၼ်းတီႈ 21 လိူၼ်မေႊ မီးၶၢဝ်ႇႁူင်လိုဝ်း ႁႅင်းၶိုၼ်ႈမႃးၵူႈမိုဝ်ႉၵူႈဝၼ်းၼႂ်းတူင်ႇဝူင်းၽူႈႁၵ်ႉၸိူဝ်ႉၸၢတ်ႈ မီးဢဵၼ်းဢၢၼ်းယိူင်းမၢႆတႃႇၵွပ်ႇၵူႈဢဝ်ၶိုၼ်း မိူင်းတႆး ၵွၼ်းၶေႃ။ လႆႈမႄႇၽႄႈပဵၼ်ၸိူဝ်ႉၽၼ်းၵၢၼ်ၸိူဝ်ႉၸၢတ်ႈ ဢွၵ်ႇၼေႃႇဢွၵ်ႇႁဵဝ်း ၼမ်မၢၵ်ႈမႃးသေတႃႉ ယွၼ်ႉပိူဝ်ႈပိုၼ်ႉထၢၼ်ၵၢၼ်ၵေႃႇငဝ်ႈၵဝ်ႉမၼ်းဢမ်ႇၶႅင်ႁႅင်းလႄႈႁိုဝ် ၵမ်ႊၸႃတႃတႆး ၸိုင်ပႆႇထိုင်တီႈယိူင်းဢၢၼ်း ပဝ်ႉမၢႆ။ မိူဝ်ႈမႃးထိုင် 1969 ၸဝ်ႈၵွၼ်းၸိူင်း ၶိုၼ်းဢွၼ်ႁူဝ်ၵေႃႇတင်ႈတပ်ႉသိုၵ်းၽွမ်ႉႁူမ်ႈလုၵ်ႉၽိုၼ်ႉ(ၸိုင်ႈတႆး) ဢၼ်လုၵ်ႉ တီႈ တပ်ႉၽွမ်ႉႁူမ်ႈၸိုင်ႈတႆး SNUF...