ၸဝ်ႈဢႃႇၼႃႇၼႆႉ ၼွၵ်ႈလိူဝ်တေလႆႈဢႃႇၼႃႇ မၼ်းဢမ်ႇဝႆႉၼၵ်းၼိူဝ်လွင်ႈလႂ်၊ ပိူဝ်ႈတႃႇလႆႈဢႃႇၼႃႇၼၼ်ႉ လႆႈႁဵတ်းမိူၵ်ႈႁဵတ်းႁၢႆႉၸိူင်ႉႁိုဝ်ၵေႃႈ မၼ်းတိုၼ်းတူဝ်ႈတၼ်းယဝ်ႉ။ ၵွပ်ႈၼၼ် ၼႃႈတီႈယိုတ်းမိူင်းၼၼ်ႉ မိၼ်းဢွင်ႇလၢႆႇ ၸင်ႇလၢတ်ႈဝႃႈ “ဢၼ်ၵဝ်ၶႃႈ ဢမ်ႇႁတ်းႁဵတ်း ဢမ်ႇမီးသင်” ၼႆယဝ်ႉ။ တႃႇတေဝၵ်ႉငမ်ဝႆႉဢႃႇၼႃႇၼႆၵေႃႈ မၼ်းတိုၼ်းဝႆႉ ၼၵ်းပၵ်းၸႂ် ၼင်ႇၵၢၼ်ပႂ်ႉ ပႃးသၢႆၸႂ်တူဝ်ၵဝ်ႇယဝ်ႉ ဢမ်ႇဝႃႈၸဝ်ႈဢႃႇၼႃႇ ၼႂ်းမိူင်းၼွၵ်ႈမိူင်း တိုၼ်းမိူၼ်ၵၼ်ၵူႈၵေႃႉ ၵူႈသိုပ်ႇၵူႈပၢၼ်ယဝ်ႉ။ မိူဝ်ႈပီ 2008 ၸုမ်းသိုၵ်းၼဢၽ...