ႁူင်းၵဵပ်းယၢမ်း ၶွင်ၸုမ်းသိုၵ်းတဢၢင်း တႅၵ်ႇၵႂႃႇတီႈဝဵင်းၼမ်ႉၶမ်းၸိုင်ႈတႆးပွတ်းႁွင်ႇၼၼ်ႉ ႁဵတ်းႁႂ်ႈတုမ်ႉတိူဝ်ႉသိင်ႇဝႅတ်ႉလွမ်ႉၼႂ်းဝၢၼ်ႈၼႂ်းသူၼ် ပႅၵ်ႇပိူင်လႅၵ်ႈလၢႆႈၼမ်၊ ၵူၼ်းပိုၼ်ႉတီႈမႆႈၸႂ်ပႃး ၵူဝ်ၵွင်ႉငူၼ်ႉၸိုမ်းၶဝ်ႈထိုင်ၼႂ်းၼမ်ႉၵိၼ်ၼမ်ႉၸႂ်ႉ ၼႂ်းပိုၼ်ႉတီႈဝႃႈၼႆ။ ဝၼ်းတီႈ 31/05/2026 ႁူင်းၵဵပ်းယၢမ်းၶွင် TNLA တီႈဝၢၼ်ႈၵွင်းတပ်ႉဝဵင်းၼမ်ႉၶမ်းၼၼ်ႉ တႅၵ်ႇ လႄႈ ၵူၼ်းမိူင်းၸိူဝ်းယူႇၼႂ်းပိုၼ်ႉတီႈ တၢႆၵႂႃႇမွၵ်ႈ 100 မၢတ်ႇၸဵပ်းၵႂႃႇ 100 ပၢႆ။ ၽွင်ယၢမ်းလႄႈၽဝ်ႇၾႆးမႆႈ ၽူင်ႉပိဝ်ၵႂႃႇၸပ်းၸွမ်း တူၼ်ႈၽၵ်းယိူဝ်ႈၼၢင်းၶဵဝ် ၼႂ်းဝၢၼ်ႈၼႂ်းသူၼ်၊...