သိုၵ်းဝႃႉ UWSA ပိုၼ်ၽၢဝ်ႇဝႃႈ တီႉလႆႈၵူၼ်းၵေႃႉဢၼ်ၶုတ်းၸူင်လိၼ်သေၶဝ်ႈလၵ်ႉၶမ်းၼႂ်းႁၢၼ်ႉၶၢႆၶမ်း တီႈဝဵင်းၼမ်ႉတိုၵ်းၼၼ်ႉယဝ်ႉ ဝႃႈၼႆ။ ၵူၼ်းလၵ်ႉၵေႃႉၼႆႉၶဝ်ႈလၵ်ႉတီႈႁိူၼ်းလင်ၼိုင်ႈဢၼ်မီးတီႈဝဵင်းၼမ်ႉတိုၵ်း၊ ၼႂ်းၼႃႈလိၼ်သိုၵ်းဝႃႉ တူင်ႉၼိုင်ၵုမ်းၵမ် မိူဝ်ႈဝၼ်းတီႈ 1/10/2025 ၼၼ်ႉဝႃႈၼႆ။ “ၵူၼ်းလၵ်ႉၼႆႉၸိုဝ်ႈႁွင်ႉ ဢႃးၶျဵင်း ဢႃယု 27 ပီ ။ ပဵၼ်ၵူၼ်းတၢင်းၼႃႈလိၼ်ၵူဝ်းၵၢင်ႉတူင်ႉၼိုင်ၵုမ်းၵမ်။ မၼ်းၸၢႆးလၢတ်ႈတီႈပလိၵ်ႈဝႃႉဝႃႈ - ၶၼ်ၶမ်းၶိုၼ်ႈမႃးၵူႈမိုဝ်ႉၵူႈဝၼ်း။ ၶႂ်ႈသၢင်ႈႁိူၼ်းယေးလႄႈၸင်ႇလၵ်ႉၶမ်းသေတေဢဝ်ၵႂႃႇၶၢႆသေသၢင်ႈႁိူၼ်း” - ဝႃႈၼႆ။ မၼ်းၸၢႆးၼႆႉ ၶဝ်ႈလၵ်ႉဢဝ်ၶူဝ်းၶွင်ငိုၼ်းၶမ်းၼႂ်းႁၢၼ်ႉၶၢႆၶမ်း...