ပီၼႆႉ ၶၼ်ၶဝ်ႈၵၢပ်ႇလီၶိုၼ်ႈမႃးယဝ်ႉသေတႃႉ ၸဝ်ႈသူၼ်ၶဝ် တိုၵ်ႉထူပ်းတၢင်းယၢပ်ႇၽိုတ်ႇယူႇ ယွၼ်ႉလႆႈလူင်းတိုၼ်းလၢင်းၼမ်လႄႈ ဢမ်ႇပေႃးလႆႈၼမ်ႉမႅတ်ႈ/ ၼမ်ႉတွၼ်းၼမ် ဝႃႈၼႆ။ ယၢမ်းလဵဝ် ၼႂ်းမိူင်းတႆး လၢႆၸႄႈဝဵင်း ပဵၼ်ၶၢဝ်းၸဝ်ႈသူၼ်ၶဝ် ဢဝ်ၶဝ်ႈၵၢပ်ႇၼႂ်းသူၼ်ၼႂ်းႁႆႈ တေႃႉသူင်ႇၶၢႆလႄႈ ပီၼႆႉ ၶၼ်ၶဝ်ႈၵၢပ်ႇ လႆႈၶၢႆၵႃႈလိူဝ်ပီၵၢႆသေတႃႉ ယွၼ်ႉလႆႈလူင်းတိုၼ်းလၢင်းၼမ်လႄႈ ပုၼ်ႈတႃႇၸဝ်ႈသူၼ်ၶဝ်တႄႉ ပႆႇလႆႈ ၼမ်ႉမႅတ်ႈ/ ၼမ်ႉတွၼ်းသင် ၼႆယဝ်ႉ။ ၸၢႆးသၢင်ႇသၢမ် ၸဝ်ႈသူၼ်ၶဝ်ႈၵၢပ်ႇ ၸႄႈဝဵင်းလွႆလႅမ်...