ၸုမ်းၵူၼ်းၼုမ်ႇတႆးမိူင်းၶိူဝ်း ႁူမ်ႈၵၼ်ၸတ်းႁဵတ်း ပၢင်သွၼ်လၢႆးႁဵတ်းၶိူင်ႈၸႂ်ႉတိုဝ်း ၸွမ်းမုင်ႉႁေႃႁိူၼ်းလၢႆယၢင်ႇ ႁႂ်ႈပဵၼ်  ၶူဝ်ၶွင်ၸႂ်ႉလႆႈၼႂ်းႁိူၼ်း ႁိုဝ်ဢမ်ႇၼၼ်ႁဵတ်းပဵၼ်ပၢႆးမၢၵ်ႈမီးသေသူင်ႇၶၢႆဝႃႈၼႆ။ ဝၼ်းတီႈ 29/10/2018 ၸုမ်းၵူၼ်းၼုမ်ႇတႆးမိူင်းၶိူဝ်း ႁူမ်ႈၵၼ်ၸတ်းႁဵတ်းပၢင်သွၼ် လၢႆးမေႃတိၼ်မေႃမိုဝ်း တီႈမိူင်းၶိူဝ်း ၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ ၵူၼ်းၼုမ်ႇၽူႈသူၼ်ၸႂ် 30 ပၢႆ ၾိုၵ်းသွၼ်လၢႆးႁဵတ်း ၼမ်ႉယႃလၢင်ႉဝၢၼ်ႇ၊ ၼမ်ႉယႃသၢႆႇႁူဝ်၊ ၼမ်ႉယႃသၵ်ႉၶူဝ်း၊ ၼမ်ႉယႃသုၵ်ႈမိုဝ်း ၼမ်ႉယႃ(သပ်ႉပျႃႇ)ၵွၼ်ႈသီ...