သိုၵ်းမၢၼ်ႈ ယိုတ်းဢႃႇၼႃႇၸိုင်ႈမိူင်းၼႆႉ ၼႄၶေႃႈဢၢင်ႈဝႃႈ တႃႇၸတ်းပၢင်လိူၵ်ႈတင်ႈ ဢၼ်မီးလွင်ႈၽဵင်ႇပဵင်းပဵၼ်ထမ်းၼႆ လၢတ်ႈၸပ်းသူပ်းၸပ်းပၢၵ်ႇမႃးဢမ်ႇထၢတ်ႇဢမ်ႇဝၢႆး။ ယိူင်းဢၢၼ်းဝႃႈ တေၸတ်းပၢင်လိူၵ်ႈတင်ႈၼႂ်းလိူၼ်ဢေႃႊၵတ်ႊသ် 2025 ၼႆ ၸဵမ်မိူဝ်ႈတႄႇယိုတ်းမိူင်းၼၼ်ႉမႃး။ ၵူၺ်းဢမ်ႇပဵၼ်ၸွမ်းၼင်ႇလၢတ်ႈဝႆႉ။ ၸင်ႇၶိုၼ်း ပိုၼ်ၽၢဝ်ႇလၢတ်ႈထႅင်ႈ ၼႂ်းလိူၼ်ဢေႃႊၵတ်ႊသ် 2025 ၼႆႉဝႃႈ တေၸတ်းပၢင်လိူၵ်ႈတင်ႈ ၼႂ်းဝၼ်းတီႈ 28/12/2025 ၼႆထႅင်ႈ။ ၵူၺ်းၵႃႈ တေပဵၼ်မႃးၸိူင်ႉႁိုဝ်ထႅင်ႈၽႂ်ဢမ်ႇလၢမ်းလႆႈ၊ ၵူၼ်းမိူင်းတႄႉ ပေႃးၵဵဝ်ႇလွင်ႈၵၢၼ်ဝၢၼ်ႈၵၢၼ်မိူင်းမႃးၼႆ...