လူင်ပွင်ၸိုင်ႈသိုၵ်းမၢၼ်ႈ ၸႄႈဝဵင်းၵျွၵ်ႉမႄး သင်ႇၵူၼ်းပၢႆႈၽေးသိုၵ်း ပွၵ်ႈၶိုၼ်းႁိူၼ်းယေး ၼႂ်းလိူၼ်ဢွၵ်ႊထူဝ်ႊပိူဝ်ႊ ဝႃႈၼႆသေတႃႉ ပႆႇၸၢင်ႈပွၵ်ႈ ၵွပ်ႈၵူဝ်ဢမ်ႇမီးလွင်ႈႁူမ်ႇလူမ်ႈ ၸွမ်းသဵၼ်ႈတႃႈသၢႆတၢင်း။ မိူဝ်ႈလိူၼ်သႅပ်ႊထိမ်ႊပိူဝ်ႊပူၼ်ႉမႃးသိုၵ်းမၢၼ်ႈပိုၼ်ၽၢဝ်ႇဝႃႈ ၸွမ်းၼင်ႇၶေႃႈၸိသင်ႇၸိုင်ႈမိူင်း(နိုင်ငံတော်ညွန်ကြားချက်) သေ  လိူၼ် ဢွၵ်ႊထိူဝ်ႊပိူဝ်ႊၼႆႉ ၵူၼ်းပၢႆႈၽေးသိုၵ်းတိုၼ်းတေလႆႈပွၵ်ႈမိူဝ်းႁိူၼ်းယေးၽႂ်မၼ်း- ဝႃႈၼႆဝႆႉ။ ၽူႈၸွႆႈထႅမ် ၵူၼ်းပၢႆႈၽေးသိုၵ်း တီႈဝဵင်းၵျွၵ်ႉမႄး လၢတ်ႈတီႈၽူႈတွႆႇႁွၵ်ႈဝႃႈ-  “ ၶဝ်ပႆႇၸၢင်ႈပွၵ်ႈမိူဝ်းၶိုၼ်းၶႃႈ။ ၾၢႆႇၽွင်းငမ်း(ထွေအုပ်) ၶဝ်တႄႉ မႃးသင်ႇဝႆႉ ႁႂ်ႈမိူဝ်းၵၼ်ယူႇ...