ဝၼ်းတီႈ 4/10/2025 ယၢမ်းႁူဝ်ၶမ်ႈ သၢင်ႇသီႈတူဝ်ၼိုင်ႈၸိူၵ်ႈမတ်ႉမၼ်းလုတ်ႈသေ ဢွၵ်ႇႁိူၼ်းမႃးၶူပ်းလုၵ်ႈဢွၼ်ႇၸၢႆးၵၢင်ၵိဝ်ႇ ဝၢၼ်ႈမူႇ 8 ဢိူင်ႇၼွင်ၵုမ်ႉ ၸႄႈဝဵင်းပေႃႇၽလွႆး ၸႄႈတွၼ်ႈ ၵၢၼ်ႊၵျၼပူႊရီႊ ၸိုင်ႈထႆး။ သၢင်ႇသီႈၼၼ်ႉပဵၼ်သၢင်ႇသီႈတူဝ်မႄႈ၊ ၸိုဝ်ႈႁွင်ႉ “မႁေႇသီႇ” ဢႃယုလႆႈမွၵ်ႈ 1 ၶူပ်ႇ၊ ၵူၼ်းဝၢၼ်ႈလဵင်ႉမၼ်းဝႆႉၵိုၵ်းႁိူၼ်း ၼႂ်းဝၢၼ်ႈ။ ဝၼ်းတီႈ 4/10/2025 ၼၼ်ႉယၢမ်းႁူဝ်ၶမ်ႈ ၸဝ်ႈၶွင်သၢင်ႇသီႈၼၼ်ႉ ဢဝ်သၢင်ႇသီႈဢွၵ်ႇၶွၵ်ႈမႃးမတ်ႉဝႆႉၵၢင်ဝၢင်းသေ မႄးၶွၵ်ႈသၢင်ႇသီႈပႆႇတၼ်းယဝ်ႉ၊...