ၵူၼ်းပၢႆႈၽေးသိုၵ်း ၸိူဝ်းယူႇသဝ်းဝႆႉတီႈဝတ်ႉၵျွင်းမုၼ်ၸဝ်ႈၼႂ်းဝဵင်းၵျွၵ်ႉမႄးၼၼ်ႉ မၢင်တီႈမၢင်ဝၢၼ်ႈ ငဝ်းလၢႆးသိုၵ်းသိူဝ် ယဵၼ်ဝႆႉယဝ်ႉလႄႈ ဢွၼ်ၵၼ်ပွၵ်ႈၶိုၼ်းႁိူၼ်းယေးၽႂ်မၼ်း၊ လၢႆလၢႆဝၢၼ်ႈၺႃးသွၵ်ႈတဝ်ႁိူၼ်း ယႃႉၶူဝ်းၶွင်ဝႆႉမၢၵ်ႇမီႈမိူဝ်ဝႆႉ။ တႄႇဢဝ် ဝၼ်းတီႈ 16-17/10/2020 ၼႆႉမႃး ၵူၼ်းပၢႆႈၽေးသိုၵ်းဢၼ်မီးတီႈပုင်ႇဝူဝ်း၊ ႁႆးၵုၺ်၊ တွင်ႇထဵၵ်ႈ(လွႆတေး)၊ ႁူဝ်ၼမ်ႉ၊ ဢုမ်ႁိတ်း ဢိၵ်ႇထႅင်ႈလၢႆလၢႆတီႈၸိူဝ်းၼႆႉ ဢွၼ်ၵၼ်ပွၵ်ႈၶိုၼ်းႁိူၼ်းယေးၽႂ်မၼ်း ။ ၼၢင်းၸၢမ်လႅင်း ၽူႈပွင်ၵၢၼ်ၵူႈလွင်ႈလွင်ႈ ယိပ်းသဵၼ်ႈမၢႆၵူၼ်းပၢႆႈၽေးသိုၵ်း တီႈဝတ်ႉပုင်ႇဝူဝ်း လၢတ်ႈဝႃႈ...